రేడియో వింటారా?

Image Courtesy:PTI

హైదరాబాదు ను మిస్ అవుతున్నట్లుగా అనిపిస్తుందా? హోం సిక్ ఫీల్ అవుతున్నారా? తెలుగులో, ఇక్కడి మాటలు, పాటలు వినాలని వుందా? ఎలా? ఇక్కడ చూడండి...

http://www.voicevibes.net/

కథ చెప్తా వింటారా?

ఎండిన పసుపుపచ్చ గడ్డి, ఎత్తైన ఆకుపచ్చ గడ్డి,పులిని కనపడనీయవు. పులి వేటకు, ఆకస్మిక దాడి చెయ్యటానికి అనువైన ప్రదేశం ఇది. Photo: cbrao

జిం కార్బెట్, కుమాయున్ అడవుల మధ్య వున్న, చిన్న గ్రామంలో నివసించే వాడు.ఒక రోజు, ఇద్దరు వ్యవసాయదారులు, అతని వద్దకు వచ్చి, నార్సింగ్ పై, పులి దాడి చేసి గాయ పరచిందనీ, అతని ఎడమ తొడ భాగాన్ని తినివేసిందనీ,అతని శవం చెరువుకావల పొదల్లో కనుగొన్నామని చెప్పారు. అంతకు మూడు రోజుల క్రితం కమాలాబాయి పై దాడి చెయ్యటానికి ప్రయత్నిస్తే, సమయానికి ఆమె కేకలు విన్న, కొందరు కట్టెలు కొట్టేవారు ఆమెను రక్షించారు. జిం కు అర్థమయ్యింది; ఆ పులి మనిషి రక్తం రుచి మరిగిందని, ఇక ఉపేక్షిస్తే లాభం లేదని.

సాయంత్రం 6 గంటలు కావస్తుంది. వేసవి ఆవటం తో ఇంకా వెలుతురు వుంది. జిం తుపాకిని భుజానికి తగిలించుకొని,చెరువు గట్టునే నడవ సాగాడు. 200 గజాల దూరంలో ఎత్తుగా, దుబ్బుగా గడ్డి పెరిగి వుంది. దాని వెనక పులి వున్నా కనపడే అవకాశం తక్కువ. గాలి చెరువు వైపు నుంచి గడ్డి వైపు వీచ సాగింది. అక్కడ పులి వుంటే జిం కదలికలను, వాసన ద్వారా పులి పసి గట్ట కలదు. నిజంగానే, ఆ పొదల వెనుక ఒక పులి వుంది. ముళ్ల పంది ముళ్లు దాని శరీరం, కాలి లోను గుచ్చుకోవటం తో,అది వేగంగా పరిగెడ లేక, మనుష్యుల ఆవాసానికి దగ్గరగా వచ్చి, పెంపుడు జంతువులను, మనుష్యులను వేటాడుతూ వుంది.

జిం నడుస్తూ పులికి దగ్గరయ్యాడు. అతని వైపు నుంచి గాలి పులి వైపు వీస్తోంది. పులి అతని కదలికలను గమనించింది.

కథ చెప్పటం ఆపి పిల్లల కేసి చూశాను. మానవ్, దీప్తి, పక్కింటి శీను ఉత్కంఠగా నా కేసి చూసి, ఆ తరువాత ఏమయ్యింది? పులి జిం పై దాడి చేసిందా అని కుతూహలంగా అడిగారు.

అలా, పిల్లలకు నేను బాల్యం లో, ప్రకృతి, అడవులు, పర్యావరణం పై ఆసక్తి కలిగేలా కథలు చెప్పేవాడిని. కొన్ని కథలకు శ్రోతలు ఒక్కోసారి 7, 8 మంది దాకా పిల్లలు వుండే వారు. వారి ఖాళీ సమయం లో నా దగ్గరకు వచ్చి కథలు చెప్పమనే వారు.

పెక్కు జటిలమైన విషయాలనైనా, కథల ద్వారా చెప్పి పిల్లలను ఆకట్టుకోవచ్చు. వారికి కొత్త విషయాలు సులభంగా కథల ద్వారా నేర్పవచ్చు.

ఇలా కథలు చెప్పటం ఒక కళ. మీకు ఇలా కథలు చెప్పాలని వుందా? పిల్లలకు విద్యా విషయక అంశాలు, ఇలా కథలు గా చెప్పటానికి బెంగళూరు లో కథాలయ వారు వర్క్‌షాప్ నిర్వహిస్తున్నారు.

కథాలయ గురించి ఈ వీడియో చూసి తెలుసుకోండి.




మరిన్ని వివరాలకై ఈ కింది వెబ్ సైట్ ను దర్శించండి.

http://www.kathalaya.org/aboutus.htm

వారి సమావేశాలు ఎలా వుంటాయో తెలుసుకోవాలంటే, ఈ కింది బ్లాగును సందర్శించండి.

http://kathalaya.typepad.com/kathalaya/2007/02/index.html


ప్రయోజకరమైన ఇలాంటి సేవా సంస్థను నిర్వహిస్తున్న, గీతా రామానుజం గారిని అభినందిద్దాము.

Valentine’s Day

ఎర్ర గులాబి

వాలంటైన్ రోజు దగ్గర కొస్తుంది. మీరు, మీ ప్రియమైన వారికి, ఏమి కానుకగా ఇస్తున్నారు? రెండు ఐడియాలు చెప్తాను. వీటిలో మీకు అనువైనది ఎంచుకోవచ్చు.Wrist watch.అవునండీ, తాను Time చూసుకున్నప్పుడు, మిమ్ములను గుర్తుకు తెచ్చేది; మీ కిష్టమైన వారికివ్వవచ్చు. లేదంటే ఒక అందమైన గులాబి, ఇలాగా ఇవ్వండి. గులాబి ఎలా తయారు చేయవచ్చో, కింద వీడియో లో చూడండి. ఇంత కష్ట పడి గులాబి చెయ్యటం, ఎలా అని అనుకుంటే -దానికి సమాధానం - మీ ప్రేమ నిజమైనదయితే,ఈ గులాబి మీరు చెయ్యగలరు. మీ ప్రేమ ఫలించు గాక.

Color-blindness test

సరదాగా ఈ Color-blindness test తీసుకోండి.It is fun.

http://www.flixster.com/user/efrayaacov/quiz/color-blindness-test-efra-made?invitorId=815026427

బ్లాగ్వీక్షణం -4

Butterfly at Ongole Photo: cbrao

నా ఇష్టం మీ కష్టం
http://hasyapujallulu.blogspot.com/2008/02/blog-post.html
కొత్తగా వచ్చిన బ్లాగులలో స్వాగతించతగినది డా.గురవారెడ్డి గారి హాస్యపుజల్లు. ఇది మనలను కడుపుబ్బా నవ్వించగలదని ఆశిద్దాము. డా.గురవారెడ్డి గారు, హైదరాబాదు లో, Orthopedic Surgeon గా పనిచేస్తున్నారు. రొగుల కీళ్ల నొప్పులను, వైద్యంతో కాక, తన సున్నిత హాస్యంతో తగ్గిస్తున్నారని వినికిడి.

Sex and Death - Two Great Taboos
http://uravishankar.wordpress.com/2008/02/08/sex-and-death-two-great-taboos/

సృష్టి కార్యం, చావు వీటి గురించి తక్కువ మాట్లాడేలా, మన మనస్సు పై నియంత్రణ బాల్యం నుంచీ వుంటుంది. మన చుట్టూ వున్న సమాజం, సామాజిక పరిస్థితులు మనల్ని అలా తయారు చేస్తాయి. మన పూర్వీకులు సృష్టి కార్యం ఎంతో పవిత్రమైందని తలిచారు. శివాలయం లోని, శివలింగం, పానువట్టం దేనిని పోలి వుంటాయో గమనించారా? శివరాత్రి జాగారం చేస్తూ, శివాలయం లో ఏమి చేసే వారో తెలుసా? దేవాలయాల పై బూతు బొమ్మలెందుకు? అనే తాపీ ధర్మారావు గారి పుస్తకం చదవండి. మృత్యువు మానవుడికి మొదటి నుంచీ పెద్ద అంతు చిక్కని రహస్యమే. శరీరానికే మృత్యువు కాని, ఆత్మ కు లేదని హిందువుల నమ్మకం. చనిపోయిన ప్రతి జీవికీ ఒక ఆత్మ వున్నట్లైతే,ఈ భూప్రపంచంలో ఉన్న జీవాత్మలను లెక్కించటం ఎవరి తరం?

వేంగో
http://saintpal.freehostia.com/?p=76

ఇది ఫ్రెంచ్ దర్శకుడు టోనీ గాట్లిఫ్, సంగీత ప్రధానమైన, సినిమా పరిచయం.ఈ సినిమాలోని సంగీతం అద్భుతం.అసలు సంగీతం కోసమే చూడాల్సిన సినిమా ఇది. చిత్రంలో అనేక సంగీత ప్రధాన సన్నివేశాలున్నాయి.ప్రముఖ ఫ్లెమెంకో గాయని లకైతా పాడిన పాట Video ను ఈ టపాలో చూడవచ్చు. ఈ సంగీత భరిత, సాయంత్రపు పార్టీ లో, ఉద్వేగంగా పాల్గొనండి.

తొలి మలుపు
http://karyampudi.blogspot.com/2007/12/blog-post_7757.html
అమ్మ కొట్టినా, పిల్లవాడు ఓదార్పుకై మరల తల్లి వద్దకే వెళతాడు.పిల్లవాడు మాటవినకుంటే, దండం దశగుణా భవేత్ అన్నారు పెద్దలు. మొక్కై వంగనిదే, మానై వంగునా అన్నారు. అమ్మ ప్రేమ గురించిన కథ ఇది. అమెరికా బ్లాగరులూ, మీ పిల్లలు మాటవినకుంటే, వారికీ నాలుగు తగిలిస్తారా?

వచ్చిపోవే పిచ్చుకమ్మా
http://www.telugudanam.co.in/kalaksheapam/paaTalu/pp_page15.htm#%E0%B0%B5%E0%B0%9A%E0%B1%8D%E0%B0%9A%E0%B0%BF%E0%B0%AA%E0%B1%8B%E0%B0%B5%E0%B1%87%20%E0%B0%AA%E0%B0%BF%E0%B0%9A%E0%B1%8D%E0%B0%9A%E0%B1%81%E0%B0%95%E0%B0%AE%E0%B1%8D%E0%B0%AE%E0%B0%BE

ఇది పిల్లల పాటలు లో ఒక పాట.
కొయ్య ముక్కలు గూడు చేశా
రేకు ముక్కను తలుపు చేశా
మెత్త మెత్తని ఈకలెన్నో
గూటి నిండా పరచి ఉంచా.
అంటూ పిచ్చుకను ఆహ్వానిస్తే, పిచ్చుక మీ ముంగిట్లో వాలదా?

మోహన్ బాబు – ఆవు
http://www.teluguvennela.com/2008/01/blog-post_30.html

ఆవుకూ, మోహన్‌ బాబుకూ లంకె ఏమిటి? ఇది చదివి నవ్వకుండా మీరు వుండగలరా? ప్రయత్నించి చూడండి.

Easy Hyderabad
http://www.easyhyderabad.com/

మీరు బెంగళూరు నుంచి హైదరాబాదు కు బదిలీ అయి వచ్చారు.మీ పిల్లలను ఏ స్కూల్ లో చేర్పించాలి? అర్థరాత్రి మీ నాన్న గారికి గుండెనొప్పి వచ్చింది? అంబులెన్స్ కావాలి?ఎవరిని సంప్రదించాలి? తెల్లవారుఝామున 5 గంటలకు విమానాశ్రయం వెళ్లాలి. ఆసమయంలో టాక్సీ ఎలా దొరుకుతుంది? పిల్లల పరీక్షల సమయంలో,కరెంట్ పోతే ఎవరికి ఫోన్ చేయాలి? అన్ని ప్రశ్నలకు సమాధానం ఈ టపా.

తెలుగురధం : ప్రముఖ వీణా చిట్టిబాబు
http://teluguradham.blogspot.com/2008/02/blog-post.html

ప్రముఖ వైణికుడు చిట్టిబాబు గురించిన పరిచయ వ్యాసం బాగుంది. వ్యాసం లో చిట్టిబాబు చిత్రం లేకపోవటం వెలితిగా వుంది.చిట్టిబాబు గారి చే కదనకుతూహలరాగంలో స్వరపరచబడిన జయభారత్ అనే పాటను N.KARTHIK వీణ పై వినిపించిన చలన చిత్రాన్ని చూడండి..

http://youtube.com/watch?v=7jR7j91bY-Y

పుట్టిన రోజు

Click on photo to enlarge.

From left to right: Tulasi, cbrao, Smt. Ramana and Deepti offering cake. Photo: cbrao

ఎవరైనా అమ్మాయి కాని, అబ్బాయి కాని చాక్లేట్ తీసుకు వచ్చి ఇస్తే, నీ హాపి బర్త్ డేనా అని అడుగుతాం. బర్త్ డేలు ఎప్పుడూ హాపీయే కాని మాములు బర్త్ డేలు వుండవు మరి.అసలు ఈ పుట్టిన రోజేమిటి? దానికంత ప్రాముఖ్యతేమిటి?మీరు వివాహితులయితే, మీ భార్య పుట్టిన రోజు మరిచి చూడండి; దాని importance ఏమిటో అర్థమవుతుంది. మీకు ఇంకా పెళ్లి కానట్లైతే, మీ girl friend పుట్టిన రోజు మరిచి చూడండి.

మనం ఎన్నో సినిమాలలో, ఈ పుట్టిన రోజు bash, హంగామా చూస్తాము.. ప్రతి పుట్టిన రోజుకు, మన వయస్సు, ఒక సంవత్సరం తగ్గుతుందని తెలిస్తే, ఇంత హడావుడి చేస్తారా? హిందూ సంప్రదాయం ప్రకారం, ఎదైనా సందర్భాన్ని, దీపం వెలిగించి, శుభారంభం చేస్తాము. పుట్టిన రోజుకు, మన వయస్సు ప్రకారం, కొవ్వొత్తులు వెలిగించి, వాటిని ఆర్పడం అశుభం కదా? తెలిసో, తెలియకో తెల్లవాడు ప్రవేశ పెట్టిన, ఈ వెలిగించిన మైనపువత్తులు ఆర్పివేయటం, ముందు చూపున్న ఆచారమా? మన వయస్సు తగ్గుతుందని,ప్రతీకాత్మకం (symbolic)గా చెప్పటమా? ఎది ఏమైనా, యువతరం, పుట్టిన రోజు జరపటానికే, ప్రాధాన్యం ఇస్తారు.

అబ్బాయి తన girlfriend birthday కు, ఎర్ర గులాబీలు, ప్రత్యేక greeting card, చాక్లేట్ ఇంకా heart shape pendant లను బహుమతులు గా , తన girlfriend కు ఇవ్వక మానడు. అంతే కాదు ఆ సాయంత్రం వారిద్దరూ ఏ కాఫీ డే లేక బరిస్తా లోనో, ఏ కార్నర్ టేబుల్ వద్దనో,కబుర్లు చెప్పుకుంటూ, దాదాపుగా కనిపించటం ఖాయం.ఇక్కడ మిస్ అయితే, నెక్లేస్ రోడ్ లో అయినా కనిపిస్తారు. అలా కనిపించక పోతే, వారిలో ఏదో లోపముందని, వారి మిత్రులు భావిస్తారు.

పుట్టిన రోజులలో, విశిష్టమైనది షష్టిపూర్తి. మన మిత్రులు కొందరు, వారి తండ్రులకు ఈ షష్టి పూర్తి జరిపియున్నారు.ఈ షష్టి పూర్తి ఏమిటి? ఎందుకు జరుపుకోవడం? ఇదివరకటి కాలంలో, పలు కారణాల రీత్యా, భారతీయుల జీవన ప్రమాణం తక్కువగా వుండేది. 60 సంవత్సరాలు జీవిస్తే, అది ఒక ప్రత్యేక విశేషంగా, పరిగణించే వారు. మన కాలమాన ప్రకారం, 60 సంవత్సరాలు వున్నాయి. అవి ప్రభవ,విభవ ల మొదలయి, క్రోధన, అక్షయ ల తో ముగుస్తాయి.ఇందువలన, హిందువులు, షష్టిపూర్తి, తమ పునర్జన్మ గా భావించి, వేడుక జరుపుకుంటారు. బంధు మిత్రులతో సమావేశ మవుతారు. ఇది ఒక రకంగా thanks giving లాంటి వేడుకగా భావించవచ్చు. దీని వెనుక పరమార్థ మేమంటే, మనిషి సంఘ జీవి; తను సుఖంగా బతకటానికి, ఎదగటానికి ఎంతో మంది సహాయం పొందుతాడు. అందరి సహకారం వలనే తనకు ఈ సౌఖ్యమైన జీవితము,ఇన్ని సంవత్సరాలు
జీవించగలిగే శక్తి, స్ఫూర్తి లభించాయనీ, చెపుతూ, అందుకు ధన్యవాదాలు తెలుపుతాడు;షష్టి పూర్తి చేసుకున్న వ్యక్తి.

వెనుకటి కాలంలో, కవులను రాజుగారు గజారోహణం కావించి, గండపెండేరం తొడిగే వారట. రాజులు, జమీందారులు పోయారు. ప్రజా సామ్యం వచ్చింది. త్రిపురనేని రామస్వామి గారిని గుడివాడలో గజారోహణం గావించి ఊరేగించారు. వారు దానికర్హులే. ఈ రోజులలో, కవులను, అలా సత్కరించటం కష్టమే మరి.

నా కాలేజ్ రోజులలో పుట్టిన రోజుకు తల స్నానం చేసి, కొత్త బట్టలు తొడుక్కున్న గుర్తు.ఆ తర్వాత, పుట్టిన రోజులకు నేను పెద్దగా ప్రాముఖ్యత ఇవ్వలేదు. కాని, బంధు మిత్రులు శుభాకాంషలు చెప్తే, వారికి ధన్యవాదాలు చెప్పే వాడిని. ఈ రోజుతో (6th Feb 2008) నాకు 60 సంవత్సరములు నిండుతాయి.బంధువులు ఫోన్ చేసి హైదరాబాదు వస్తాము, పుట్టిన రోజు celebrate చేస్తాము అంటే, ఏమి సమాధానం చెప్పాలో, తోచకుండా వున్నది. జీవితం లో,ఏమి సాధించామని వేడుక చేసుకోవాలి?
ఇలాంటి తరుణం లో తెలుగు బ్లాగరులు/వికీపీడియన్లపై ఈనాడు లో సచిత్ర, విశేష వ్యాసం, మనందరి కృషి, ఫలించగా, వచ్చిందని తలుస్తాను. నా బ్లాగులు చదవని వారు కూడా, ఈనాడు లో నా చిత్రం చూసి, నాకు ఫోన్ చేసి అభినందనలు చెప్పారు. ఈ అభినందనలనే నా షష్టిపూర్తి కానుకలుగా భావిస్తాను.

నెల్లూరు గురించిన విశేషాలతో ప్రత్యేక పుస్తకం వెలువరించాలని అభిలాష. దీని కొరకు, ఇంకా, చాలా కృషి, చెయ్యవలసి వున్నది.ఇది ఎప్పటికి నెరవేరేనో? ఇంతవరకు నేను రాసిన టపాలలో (బ్లాగు వ్యాసాలు), ఎంపిక చేసిన వాటి తో, ఒక పుస్తకం వెలువరించాలని కూడా ఆలోచన వుంది. నా వ్యాసాలను పుస్తకం గా, వెలువరించిననాడు,నేను సైతం..................గా భావించి, సంతృప్తుడనౌతాను.పదవీవిరమణ తరువాత, నాకు చేదోడు, వాదోడు గా నిలిచిన బ్లాగు మితృలందరికీ, నా హృదయపూర్వక నమోవాకాలు. నా జీవన యానంలో,ఈ బ్లాగు టపాల, రచనా నిర్మాణంలో, నాకు సహకరించిన, జీవిత సహచరిణి శ్రీమతి రమణకు ప్రేమాంజలి. నా జీవిత పూతోటలో పూచిన పూలు, నా పిల్లలు మానవ్, దీప్తి. మానవ్,కోడలు గాయత్రి ఉత్తర అమెరికా లో Software లో వున్నారు.దీప్తి, గచ్చిబౌలి (Hyderabad) M.N.C. లో, అల్లుడు కృష్ణమోహన్ real estate లోను వున్నారు.మనమడు ఆకాష్ యు.కె.జి చదువుతున్నాడు. వీరందరూ, తమ తమ నెలవులలో వుండి నాకు ఆనంద, స్పూర్తి ప్రదాయనులుగా వున్నారు. నిత్య జీవితంలో, ఇన్ని సంవత్సరాలుగా, నాకు తోడుగా నిలిచిన బంధు మిత్రులందరికీ, నా ధన్యవాదాలు.

కొసమెరుపు: దీప్తిధార లో, ఇది నా నూరవ టపా.

బ్లాగ్వీక్షణం -3

Peacock -Batik print on cloth Photo: cbrao

చదవటానికి,టపాల ఎంపికలో, మీ సౌలభ్యం కోసం -మరి కొన్ని టపాల పరిచయం.

అమృతం కురిసిన రాత్రి ఈ-వారం ఇ-Book
http://sridharchandupatla.blogspot.com/2008/01/book.html
' చేతిలో కలం అలాగే నిలిచిపోయింది. యేదో రహస్యం నన్నావరించుకుంది. అపుడే నీ నవ్వు నా గుండెకింద వినపడింది.' 'అమృతం కురిసిన రాత్రి ' -బాలగంగాధర్ తిలక్ కవితలు download చేసుకోండి.Download నిదానంగా వుంది. ఓపిక కావాలి.www.sharelor.com కంటే http://www.esnips.com/ ఎక్కువ వేగంగా వుంది.

గుండె చప్పుడు... : మధించిన దున్నపోతుల స్వైరవిహారం
http://hridayam.wordpress.com/2008/01/30/stock-market-fii/
స్టాక్ మార్కెట్లలో చిన్న మదుపరులు నష్టపోతున్న వైనం గురించిన కథనం, ఆసక్తికరంగా వుంది.

ఎప్పటికో నా కలల ప్రయాణం – I
http://blog.vikatakavi.net/2008/01/30/%e0%b0%8e%e0%b0%aa%e0%b1%8d%e0%b0%aa%e0%b0%9f%e0%b0%bf%e0%b0%95%e0%b1%8b-%e0%b0%a8%e0%b0%be-%e0%b0%95%e0%b0%b2%e0%b0%b2-%e0%b0%aa%e0%b1%8d%e0%b0%b0%e0%b0%af%e0%b0%be%e0%b0%a3%e0%b0%82-i/
అమెరికా నుంచి భారత్ వచ్చేప్పుడు లేక భారత్ నుంచి అమెరికా వెళ్లేప్పుడు విమానాశ్రయం లో లగేజ్ బరువు ఎక్కువయ్యింది; కొన్ని కిలోల బరువు తగ్గించాలంటే, మీరేమి చేస్తారు? మీ ఫీలింగ్స్ ఎలా వుంటాయి? మీతో పాటుగా మీ స్నేహితులు, విమానాశ్రయం లో ఆ సమయంలో లేకుంటే, Excess luggage ని ఏమి చెయ్యాలి?

మనసులో మాట: చిరంజీవి: అభిమాని ఆత్మహత్య.
http://anurup.blogspot.com/2008/02/blog-post.html
రాజకీయవేత్తలు,సినీతారలంటే అభిమానంతో,ఆత్మహత్య చేసుకునే, తమిళ్నాడు సంస్కృతి మన రాష్ట్రంలో కూడా వచ్చిందా? చిరంజీవి రాజకీయాలలోకి రావటానికి రాజశేఖర్ లాంటి వాళ్లు అడ్డొస్తున్నారని, మనస్తాపం చెందిన చిరు వీరాభిమాని కథ విన్నాక మనసు కలత చెందక మానదు.

సంప్రదాయ వివాహమేనా ?
http://netijen.blogspot.com/2007/08/blog-post_26.html
ధనవంతులు తమ కుటుంబాలలో వివాహాలు,విలాసవంతంగా చేస్తారు. దాన్ని మనము ఆపగలమా? వారిని చూసి, మధ్యతరగతి వారు, తెలివి తక్కువగా, గుడ్డిగా అనుకరించటం సబబా? తాహతుకు మించి ఖర్చుపెడితే,వచ్చే కష్టాన్ని అనుభవించక తప్పదు. Netizen చెప్పదలిచిన సందేశం ఇది. రచయిత తను చెప్పదలచిన విషయాన్ని, టపాలో,చెప్పటం లో స్పష్టత లేదు.పాఠకుల వుత్తరాలు కూడా, టపా అర్థం కానట్లుగా చెప్తున్నై.


గరీబ్ రధ్ …
http://kaburlu.wordpress.com/2008/02/03/%e0%b0%97%e0%b0%b0%e0%b1%80%e0%b0%ac%e0%b1%8d-%e0%b0%b0%e0%b0%a7%e0%b1%8d/
సికందరాబాదు నుంచి బెంగళూరు కు తక్కువ ఖర్చులో, శీతల (Air-conditioned) రైల్ లో ప్రయాణించండి, సౌఖ్యంగా.

Travellers and Magicians – భూటాన్
http://navatarangam.com/?p=156
భూటాన్ లాంటి దేశం నుంచి, చక్కటి భావుకత వున్న చిత్రాలు ఊహించగలమా? Awards: Deauville Asian Film Festival - Audience award & Asian Americal Film Festival - Emrging Director award సూక్ష్మంగా చిత్ర కథ: “అనగనగా ఓ గ్రామంలో ఓ చదువుకున్న యువకుడు ఉన్నాడు. అతను ప్రభుత్వ ఉద్యోగం వదులుకుని అమెరికాలో యాపిళ్ళు ఏరే పనికి బయలుదేరుతాడు. దారిలో ఓ అందమైన అమ్మాయిని కలుస్తాడు.” అని యోగి హాస్యమాడతాడు. “ఆ యువకుడు ఆ అమ్మాయికోసం తన అమెరికా ప్రయాణాన్ని విరమించుకున్నాడు!” Dondup నవ్వుతూ అంటాడు.

అడవిదారంట
http://tethulika.wordpress.com/2008/02/04/%e0%b0%85%e0%b0%a1%e0%b0%b5%e0%b0%bf%e0%b0%a6%e0%b0%be%e0%b0%b0%e0%b0%82%e0%b0%9f/
తెలుగు వాతావరణం లోని కథలు మీరు ఎన్నో చదివే వుంటారు.పూర్తి అమెరికా వాతావరణం లో కథ చదివారా? అమెరికా విధ్యార్థులు, ప్రాజెక్ట్ లు,అమెరికా సమాజపు తీరు తెన్నులు గురించిన భిన్న వాతావరణ కథ; మీరు చదవాలనుకుంటే, ఈ అడవిదారంట మనూ తో కలిసి నడుస్తూ, అడవి అందాలను చూస్తూ, బొనస్ గా అమెరికనిండియన్ ను కూడా మీరు చూడవచ్చు.

నెల్లూరు జైల్ లో నూతన గ్రంధాలయం

శిక్షపడ్డ ఖైదీలు భోజన ప్రియులైతే, విశాఖపట్టణం జైలు కు బదిలీ కావాలంటారు. కారణం అక్కడ ఇద్దరో లేక ముగ్గురో ఖైదీలు, గతం లో స్టార్ హోటళ్లలో chefs; అదేనండీ వంటవాళ్లు. వారు ప్రస్తుతం జైల్ లోని వంటశాల నిర్వహిస్తూ, రుచికరమైన *** వంటలు వండుతున్నారట. మరి ఖైదీలు, పుస్తక ప్రియులైతే ఎక్కడకు వెళ్లాలి? నిస్సందేహంగా నెల్లూరు జైలు కు. అక్కడ, చక్కటి గ్రంధాలయం, ఖైదీల కోసం నిర్వహిస్తున్నారు. నెరసం (నెల్లూరు జిల్లా రచయితల సంఘం కార్యదర్శి పెరుగు రామకృష్ణ గారు పంపిన వివరాలు చూడండి) వారు ఈ మధ్యనే జైలు గ్రంధాలయానికి, 1000 కొత్త పుస్తకాలు కానుకగా ఇచ్చారు.జిల్లా గ్రంధాలయాలకే నిధులు లేక, కొత్త పుస్తకాలు సరఫరా కాని రోజుల్లో, జైల్లో ఇన్ని కొత్త పుస్తకాలు ఉండటం ప్రశంసనీయం. ఖైదీలు ఈ గ్రంధాలయాన్ని సద్వినియోగం చేసుకుని, వారి జీవితాన్ని కొత్త మలుపు తిప్పుకొంటారని, మంచి పౌరులౌతారని, ఆశిద్దాము.

Click on images to enlarge

ఉచిత హృద్రోగ శస్త్రచికిత్స

CHIME (MIOT చికిత్సాలయము, చెన్నై వారు నిర్వహిస్తున్న ధర్మనిధి) వారు, చిన్న పిల్లలకు, పుట్టుకతో వచ్చే హృద్రోగాలకు, ఉచిత హృద్రోగ శస్త్రచికిత్సలు, నిర్వహిస్తున్నారు.

మీకు తెలిసిన వారికి,ఇలాంటి చికిత్స అవసరమైన వారికి ఈ సమాచారం అందచేయండి. మీ మిత్రులతో ఈ సమాచారాన్ని పంచుకుని, కొన్ని ప్రాణాలు కాపాడటానికి, మీ వంతు కృషి చెయ్యగలరు.

Contact Details: chime@miothospitals.com
Source: The Hindu
www.hindu.com/2007/10/01/stories/2007100159110500.htm