Tripuraneni Gopichand
మనకు ఈ రోజున్న ఆశయాలు, భావాలే 15 సంవత్సరాల తరువాత కూడా ఉంటాయా? ఉండవచ్చు లేదా వాటిలో కొన్ని మార్పులు రావచ్చు. జీవితం లో తారసపడే కొందరు వ్యక్తులు, అనుకోని సంఘటనలు మనపై తీవ్ర ప్రభావాన్ని కలుగచేస్తాయి కొన్నిసార్లు. ఈ పరిణామ క్రమంలో కమ్యూనిస్టులు, పెట్టుబడిదారులుగా, నాస్తికులు ఆస్తికులుగా ఇంకా ఆస్తికులు నాస్తికులుగా మారటం కద్దు. ఒక రచయిత రచనలు సంకలనం గా తీసుకువచ్చే సమయంలో, రచనలతోపాటుగా రచనాకాలం కూడా ఇస్తుంటారు సంపాదకులు. ఇది మంచి సంప్రదాయం. దీనివలన కాలంగడిచే కొద్దీ రచయిత ఆలోచనా విధానంలోని ఎదుగుదల లేక పురోగమనం మనకు గోచరించగలవు. గోపీచంద్ శతజయంతి సందర్భంగా , ఆయన రచనలు తాజాగా 10 సంపుటాలుగా వెలువడ్డాయి. వీటిలో గొపీచంద్ లో వచ్చిన ఆలోచనాధొరణిలోని మార్పులను మనము చూడగలమా? గోపీచంద్ తొలుత ఒక హేతువాది. త్రిపురనేని రామస్వామి రచనలు వీరిని తొలినాళ్లలో ప్రభావితం చేస్తే, జీవితపు తుది అధ్యాయంలో అరవిందుని భజనలొ గడిపారు. M.N.Roy అనుచరుడినుంచి అరవిందు భక్తునిగా రూపాంతరం చెందిన గోపీచంద్ జీవిత విశేషాలను మనకు అందిస్తున్నారు ప్రముఖ హేతువాది ఇన్నయ్య.
-రావు
Tripuraneni Gopichand