బ్లాగ్వీక్షణం -2

Satya Yamini in popular TV programme "Little Champs". Courtesy: Zee TV Photo taken from TV by cbrao

ఈ చదవతగ్గ టపాల ఎంపిక, బ్లాగరుల పేరు ప్రతిష్టలు కాక, కెవలం content ఆధారంగా చెయ్యబడ్డది. మంచి టపాలలో, ఇవి కొన్ని మాత్రమే. ఇందులో కొన్ని పాత టపాలు, మీరు చదివి వుంటారు. కాని కొత్తగా వచ్చిన, వందల సభ్యులకు, ఇవి కొత్త టపాలే అవుతాయి. పాతవారు కూడా ఇందులో కొన్ని మిస్ అయివుండవచ్చు. ఒకసారి చదివినవారు, ఇంకోమారు చదివి ఆనందించవచ్చు. కావున, పాత వాటిని కూడా ఇందులో వుంచా.

వినిమయ తత్త్వం (కన్స్యూమరిజం) మనలను పిచ్చివాళ్ళను చేస్తున్నదా?

http://nagamurali.wordpress.com/2008/01/17/%e0%b0%b5%e0%b0%bf%e0%b0%a8%e0%b0%bf%e0%b0%ae%e0%b0%af-%e0%b0%a4%e0%b0%a4%e0%b1%8d%e0%b0%a4%e0%b1%8d%e0%b0%b5%e0%b0%82-%e0%b0%95%e0%b0%a8%e0%b1%8d%e0%b0%b8%e0%b1%8d%e0%b0%af%e0%b1%82%e0%b0%ae/#comment-82

మనకు అవసరం లేని వస్తువులను కూడా, మనకు అమ్మగల సామర్ధ్యం, వినియోగ వస్తువుల పంపిణీ అధికారుల కుంది. విచక్షణతో కొనాలని ఈ వ్యాసం చెపుతున్నది.

2007 సాహిత్య సింహావలోకనం – కథ
http://sameekshaclub.wordpress.com/2008/01/22/overview/
2007 లో ప్రచురించిన కథలపై ఒక విహంగ వీక్షణం ఇది.సోమరాజు సుశీల ‘ఇల్లేరమ్మ కతలు ‘లో చిన్నపిల్లల ఆవేదనలను, అక్కిరాజు భట్టిప్రోలు ‘గేటెడ్ కమ్యూనిటీ’ లో ధనిక,బీద మద్య వస్తున్న భావ ఘర్షణను చిత్రించి పాఠకులనాకట్టుకున్నారు. ఈ సంవత్సరం వచ్చిన కథల సంపుటాల సంక్షిప్త పరిచయం వుందీ టపాలో.

భిక్షకుల బాల్టిమోర్
http://www.charasala.com/blog/?p=212
అమెరికా సమ్యుక్త రాష్ట్రాలలోని, మేరీలాండ్ రాష్త్రం లోని,బాల్టిమోర్ లో ఎందుకని ఎక్కువ బిచ్చగాళ్లున్నారో,విచారించవలసిన విషయమే. అమెరికా లాంటి సంపన్న దేశం లో ఇలా బిక్షుకులను ఊహించటం కష్టమే.

ఆడవారిని సంతోషపెట్టడం, పెద్ద కష్టమేమీ కాదు
http://jokulashtami.blogspot.com/2008/01/56.html
ఇందులో ఇచ్చిన list చాల పెద్దదిగా ఉండొచ్చు; కానీ, స్త్రీ ని ప్రసన్నం చేసుకోవటం వెనక ఇంత కష్టముంటుందని,వ్యంగంగా చెప్తుందీ చిన్న వ్యాసం. ఇంటర్నెట్ లో, ఒక సంవత్సరంగా బహుళ ప్రచారం పొందిందీ వ్యాసం. Original author is unknown.

రాలిపడ్డ జ్ఞాపకాలు (కవిత)
http://kalpanarentala.wordpress.com/2008/01/24/%e0%b0%b0%e0%b0%be%e0%b0%b2%e0%b0%bf%e0%b0%aa%e0%b0%a1%e0%b1%8d%e0%b0%a1-%e0%b0%9c%e0%b1%8d%e0%b0%9e%e0%b0%be%e0%b0%aa%e0%b0%95%e0%b0%be%e0%b0%b2%e0%b1%81/
శృంగార భావన లలితంగా చెప్పిన రమ్యగీతం. కవయిత్రి కల్పనా రెంటాల.

నా ఆటోగ్రాఫ్, సొల్లు (సెల్లు)మెమోరీస్...
http://blaagadistaa.blogspot.com/2008/01/blog-post_17.html
మీరు ఒక సెల్ ఫోన్ కొంటారు. వారం తర్వాత మీ కొలీగ్ అదే ఫోన్ ని 800 రూపాయలు తక్కువకి ఇంకోచోట కొన్నానని చెప్తాడు. ఇంకో నెలకి ఇంకో మంచి మోడల్, మీరుకొన్నదానికన్నా తక్కువధరకే మార్కెట్ లోకి వస్తే ? మీకు సెల్ ఫోన్ల పై ఎంతో విజ్ఞానముందని మీ సలహా పాటించి, మీకు తెలిసినాయన, సెల్ ఫోన్ కొని, తరువాత అంత దిక్కుమాలిన ఫోన్ ఎలా recommend చేశావని అడిగితే? ముగింపు మిమ్ములను నవ్విస్తుంది.


"లకోటా ప్రశ్న"(Bita) ...అడగండి...వెంటనే మీకు జవాబులు రడీ..!!
http://palaka-balapam.blogspot.com/2007/09/bita.html

మీ భవిష్యత్ తెలుసుకోవాలని వుందా? చిరు రాజకీయాలలోకి వస్తాడా? నాకు H-1 Visa వస్తుందా? నాకు ఈ సంవత్సరమన్నా పెళ్లవుతుందా? తెలంగాణా ఎప్పుడొస్తుంది లాంటి ప్రశ్నలేవన్నా సరే అడగొచ్చు. అడగటం మీదే ఆలస్యం మరి..

పెళ్ళెప్పుడు??? (హాస్యం)
http://thotaramudu.blogspot.com/2007/03/blog-post_28.html
పెళ్లికాని ప్రసాదుల అవస్తలపై సునిశిత పరిశీలన. ఈ టపా ఇంటర్నెట్లో చాలా చక్కర్లు కొట్టింది. మిమ్ములను నవ్వించటం ఖాయం.

బ్లాగ్వీక్షణం

Butterfly at Maredumilli forest Photo:cbrao

ఒకప్పుడు కూడలి లో లో వచ్చే కొత్త టపాలు కొద్దిగా వుండేవి. కాలక్షెపం కోసం బ్లాగుల Archives కి వెళ్లి పాత మథురాలను ఆస్వాదించే వాళ్లం. అందులో కొన్ని అణిముత్యాల్లంటి టపాలు చూసి, అరె ఇవి మనం మిస్ అయ్యామే, అనిపించేంత, చక్కగా ఉండేవా టపాలు. telugublog@googlegroups.com వారి సహకారంతో ఇప్పుడు చాలామంది, తెలుగులో బ్లాగులు మొదలెట్టి, టపాల రాసి, బాగా పెంచారు. ఈ టపాల ఉధృతంలో, పెక్కుమందికి, ఇన్ని టపాలు చదవటానికి, వ్యవధి వుండటం లేదు. ఇహ బ్లాగుల archives లోకి వెళ్లే మార్గమేది? ఇన్ని టపాలలో, ఏది చదవతగ్గదో, పాఠకుడు ఎలా నిర్ణయించుకొంటాడు? కొత్త బ్లాగరులు తమ టపాలకు కామెంట్లు రావటం లేదనే వ్యధను వెలిబుస్తూ కొన్ని టపాలు రాయటం జరిగింది. ఈ సమస్యనెలా అధిగమించాలో వివరిస్తూ కొన్ని టపాలొచ్చాయి. వీటిలో చెప్పుకో తగ్గ వాటిలో, ఒక టపా మీ ముందుంచుతున్నా.

తెలుగు బ్లాగులు/టపాలకు చదువరులను/వీ(ప్రే)క్షకులను/పాఠకులను మరియు వ్యాఖ్యలు/అభిప్రాయాలను పెంచటం ఎలా – 2
http://teluguvadini.blogspot.com/2008/01/2.html
ఇందులో, బ్లాగరులకు పనికివచ్చే పెక్కు tools గురించి వివరణ వుంది. మీ టపాలకు కామెంట్స్ రావటం లేదని వ్యధ చెందక, ఇందులోని సూత్రాలు పాటించండి. తెలుగువాడిని blog page load అయ్యేలోపు, speaker on చేసి మీ కిష్టమైన పాట వింటూ నిరీక్షించండి. తప్పకుండా page open అవ్వుతుంది.మీ సహనమే మీకు రక్ష. ఈ తెలుగు వాడెవరో నాకు తెలియదు. మీకు తెలిస్తే ఒక ఉత్తరం ముక్క రాయండి. నలుగురికీ పనికివచ్చే, వ్యాసం రాసిన తెలుగువాడికి వేస్తున్నా ఒక వీరతాడు.

ఇక బ్లాగరులు తమ archives లోని, ముఖ్యమైన టపాలను పరిచయం చేస్తూ ఒక వ్యాసం రాస్తే,పాఠకులకు ఎంపిక సులువు అవుతుంది.ఈ విషయం లో సౌమ్య ను అభినందించాలి. తన 2007 పుస్తకాల రీకాప్ చూడండి.
http://vbsowmya.wordpress.com/2008/01/17/2007-%e0%b0%aa%e0%b1%81%e0%b0%b8%e0%b1%8d%e0%b0%a4%e0%b0%95%e0%b0%be%e0%b0%b2-%e0%b0%b0%e0%b1%80%e0%b0%95%e0%b0%be%e0%b0%aa%e0%b1%8d/
నేను సౌమ్య బ్లాగు సమీక్షించే (http://paradarsi.wordpress.com/2007/07/18/sowmya-writes-blog-review/) నాటికే (Aug 29, 2006) తన బ్లాగులో చాలా టపాలు వున్నై.ఇప్పుడు చాలా వచ్చి చేరాయి. సౌమ్య, ఇప్పటి దాకా వచ్చిన, తన టపాలలో విశిష్టమైన వాటిని ఎంపిక చేసి,వాటిని పరిచయం చేస్తూ ఇంకో వ్యాసం రాస్తే, పాఠకులకు ఉపయుక్తంగా వుండగలదు. ఎక్కువ archives వున్న మిగతా బ్లాగరులు కూడా తమ best posts ను పరిచయం చేస్తూ, లింక్స్ ఇస్తూ వ్యాసం రాస్తే, పాఠకులు ఆ పాత మధురాలను ఆస్వాదించగలుగుతారు.

ఈ మధ్య కాలంలో నా దృష్టికి వచ్చిన కొన్ని టపాలు గురించి క్లుప్తంగా ముచ్చటించుకొందాము. ఎన్నో మంచి టపాలలోంచి,ఇవి కేవలం మచ్చు తునకలే.

పెళ్ళి కాని పిల్ల, బ్రహ్మచారి మనసు గుల్ల
http://tetageeti.blogspot.com/2007/12/13.html
ఇందులో పెళ్లికాని ప్రసాదుల అవస్థలు, పెళ్లికై వారుపడే ఆరాటాలు,వారి కార్యాలయంలో వున్న ఏకైక పెళ్లికాని అమ్మాయికి వున్న competition గురించి హాస్యంగా వివరించటం జరిగింది.

ఈ సంఘం
http://eesangham.blogspot.com/

ఇందులో మదనపల్లె వార్తలు మాత్రమే కాక, వెరే ప్రాంతాలవారి గురించిన, ఉపయుక్తమైన వార్తలు, కథనాలు వున్నై.


ప్రేమ ఎంత మధురం....!!!
http://karyampudi.blogspot.com/2008/01/blog-post.html
ఇది ఒక కథ. ముగింపు చదివాక ఆశ్చర్యంతో నోరుతెరుస్తారు. ఇది 2002 లో ఈ-మాటలో అచ్చయ్యింది.

ఇది నాస్తికత్వమెలా ఔతుంది?
http://musingsinc.wordpress.com/2007/09/21/humanism-the-religion/
ఈ వ్యాసంలో రచయిత్రి చెప్పిన 'మానవసేవే మాధవ సేవ ' అన్న విషయం మెచ్చుకోతగ్గది. "ఏదో ఓ దాన్ని వాళ్ళు విశ్వసిస్తారు కదా…ఆ సిద్ధాంతమే దైవం మరి!" అన్న సౌమ్య వాదనలో పూర్ణత్వం లేదు. 2018 లో ఈ వ్యాసం గురించి సౌమ్యను అడగండి. కాలం ఈమె అభిప్రాయాలను ఎలా మారుస్తుందో, గమనించండి. సిద్ధాంతాలే దేవుళ్లయితే కార్ల్ మార్క్స్, ఏంగెల్స్ కూడా దేవుళ్లేగా? వాళ్లకు గుడులు కట్టించవద్దా?నలుగురినీ ఆలొచనలో పడవేసిందీ చిన్న వ్యాసం.


Postmen in the Mountains – చైనా
http://sadulovesmovies.blogspot.com/2008/01/postmen-in-mountains.html

తండ్రీ కొడుకుల మధ్య సంబంధ బాంధవ్యాలు ఎలా వుంటాయి? ఒకరినొకరు అర్థం చేసుకొగలుగుతున్నారా? ఈ విషయం పై తెలుగు లో బొమ్మరిల్లు చిత్రం బాగా చూపగలిగింది. చైనా లో తీసిన ఈ Postmen in the Mountains ఇదే ఇతివృత్తం పై మనొహరంగా, చక్కటి ప్రకృతి దృశ్యాల మధ్య తండ్రి పై కొడుకున్న భయం, ప్రేమగా ఎలా మారిందన్న విషయాన్ని వివరించటంలో సఫలమయ్యింది.


వికటకవి: షరతుల పెళ్ళికొడుకులు – I
http://sreenyvas.wordpress.com/2008/01/17/%e0%b0%b7%e0%b0%b0%e0%b0%a4%e0%b1%81%e0%b0%b2-%e0%b0%aa%e0%b1%86%e0%b0%b3%e0%b1%8d%e0%b0%b3%e0%b0%bf%e0%b0%95%e0%b1%8a%e0%b0%a1%e0%b1%81%e0%b0%95%e0%b1%81%e0%b0%b2%e0%b1%81-i/


షరతుల పెళ్ళికొడుకులు – II
http://sreenyvas.wordpress.com/2008/01/18/%e0%b0%b7%e0%b0%b0%e0%b0%a4%e0%b1%81%e0%b0%b2-%e0%b0%aa%e0%b1%86%e0%b0%b3%e0%b1%8d%e0%b0%b3%e0%b0%bf%e0%b0%95%e0%b1%8a%e0%b0%a1%e0%b1%81%e0%b0%95%e0%b1%81%e0%b0%b2%e0%b1%81-ii/
ఏమి పెళ్లికొడుకలండి వీళ్లు! భార్యల కోసం వీరిచ్చిన ప్రకటనలు మిమ్ములను నవ్విచటం ఖాయం.

మా ఆవిడ చాలా మంచిది… Video
http://naamanasu.wordpress.com/2008/01/12/%e0%b0%ae%e0%b0%be-%e0%b0%86%e0%b0%b5%e0%b0%bf%e0%b0%a1-%e0%b0%9a%e0%b0%be%e0%b0%b2%e0%b0%be-%e0%b0%ae%e0%b0%82%e0%b0%9a%e0%b0%bf%e0%b0%a6%e0%b0%bf/
కొత్తగా పెళ్లయినవాళ్ల అవస్థలను చూసితీరాలి. Production values బాగున్నై. ఈ Video చూస్తూ, సరదాగా నవ్వండి.

తెలుగు ఇష్టం
http://ramya-ramyam.blogspot.com/2008/01/blog-post_21.html
మరి ఏదిష్టం అంటే... తెలుగు వారున్న ప్రాంతమంతా,
ఎవరు ఇష్టం అంటే. .. ప్రపంచం లోని మనసున్న మనుషులంతా
అంటూ మనల్ను ఆకట్టుకుంటుంది రమ్య. అంతే కాదు రామచక్కని సీతకి, అరచేత గోరింట ... అంటూ మనలను మంత్రముఖ్దుల్ని చేసే, పాట కూడా వింటూ, ఈ టపా చదవటం. మంచి అనుభూతి.

నా క్రికెట్ వ్యసనం..!!
http://trajarao.wordpress.com/2008/01/20/%e0%b0%a8%e0%b0%be-%e0%b0%95%e0%b1%8d%e0%b0%b0%e0%b0%bf%e0%b0%95%e0%b1%86%e0%b0%9f%e0%b1%8d-%e0%b0%b5%e0%b1%8d%e0%b0%af%e0%b0%b8%e0%b0%a8%e0%b0%82/
గల్లీ క్రికెట్ వచ్చాక, క్రికెట్ పై యువకులకు ఆసక్తి పెరిగింది.క్రికెట్ మీద ఎన్ని జోకులున్నా, ప్రజాదరణ తగ్గలేదు.తాడిమేటి రాజారావు, తన racy కథనంతో, తన క్రికెట్ అనుభవాల్ని, ఆసక్తికరంగా మనముందుంచటం, మీరు చూస్తారు.

నేటి కింతే. సెలవా మరి.

అక్బర్ - జోధాబాయి

Image courtesy: Indiafm.com

సలీం, అనార్కలి పాత్రలతో రూపొందిన ముఘల్ ఎ- ఆజం చిత్రం గుర్తున్నదా? ఇందులో అనార్కలి పాత్ర కొంచం నిజం, ఎక్కువ భాగం కల్పితం. ఇప్పుడు అక్బర్-జోధాబాయి చిత్రం, అశుతోష్ గోవారికర్ (లగాన్ ఫేం) దర్శకత్వం లో వస్తుంది. అక్బర్ చరిత్రను పొందుపరిచిన అక్బర్నామా లో జొధాబాయి ప్రస్తావనే లేదని చరిత్రకారులు చెప్తున్నారు. అక్బర్,కచ్చవా వంశం, అంబర్ లోని, భార్ మల్ పుత్రిక హీరా కువారి ను వివాహం చేసుకున్నట్లుగా తెలుస్తుంది. అక్బర్ తన కొత్త మతం దిన్-ఎ-ఇలాహి ని ప్రకటించి, ఈమెకు మరియం జమాని (ప్రపంచానికి మేరి) అనే బిరుదు ఇచ్చాడు. హీరా కువారి ను వివాహమాడటం లో రాజనీతిజ్ఞత వుంది. హిందూ రాజుల దండయాత్రల నుంచి రక్షణకై,వారిలో కొందరిని స్నేహితులుగా చేసుకునే ప్రయత్నంలో భాగంగా, జరిగిందీ వివాహం. మరి అక్బర్ మూడవ రాణి గా చెప్పబడుతున్న ఈ జోధాబాయి (రాజకుమారుడు సలీం తరువాత జహంగీర్ తల్లి) ఎక్కడ నుంచి వచ్చింది? కొందరు జోధాబాయి ఉంది కాని ఆమె అసలు పేరు అది కాదని చెప్తున్నారు. ఇది 18, 19 వ శతాబ్దపు చరిత్ర కారుల సృష్టి.హీరా కువారి నే జోధాబాయి గా అన్వయిచుకుంటే చిక్కుముడి విడవచ్చు. జొధాబాయి, హిందూ మతాన్ని అనుసరించి, పూజలు చెయ్యటానికి అనుమతించబడింది.




జొధాబాయి గురించి చరిత్రకారులు భిన్న కథనాలు చెప్తారు. 1832 లో, జేంస్ టాడ్ ప్రచురించిన రాజపుటాన చరిత్ర ప్రకారం, జోధాబాయి, రాయ్ సింగ్ పుత్రిక. ఈమెకు జెహంగీర్ తో వివాహమయ్యింది.
.
ఇంతకూ అక్బర్ ఎలాంటి వాడు? శాంతి కాముకుడు. పరమత సహనము కలవాడు.అన్ని మతాల వారినీ సమానంగా గౌరవించే వాడు.తన కొలువులో హిందువులకు పెద్ద పదవుల నిచ్చాడు.హిందూ, ముస్లిం ఐకమత్యం కోసం,జోధాబాయిని వివాహమాడి ఆమెకు పూర్తి మత స్వేచ్చనిచ్చాడు. అన్ని మతాల సారంతో కూడిన దిన్-ఎ-ఇలాహి మతాన్ని రూపొందించాడు. అక్బర్ గురించి మన చరిత్ర పాఠాలలో మనకు ఇలాగే చెప్పారు కదా.

అక్బర్ చరిత్రను నమోదు చేసిన అక్బర్ నామా లో దీనికి విరుద్ధవిషయాలున్నై.మరి ఏది నిజం అంటే మీరు "అక్బర్ ఇలా గ్రేట్ అయ్యాడు!" అనే వ్యాసాన్ని ఈ దిగువన ఇచ్చిన లింక్ లో చదవండి.
http://theuntoldhistory.blogspot.com/2008/01/blog-post.html

త్వరలో విడుదలయే సినిమా చూసి, ఏది నిజమో, తెలుసుకుంటామంటారా? నేతి బీరకాయలో నెయ్యి ఎంత వుంటుందో, సినిమా లో నిజం కూడా అంతే వుండదా?

జోధా - అక్బర్ చిత్రం లోంచి ఈ అందమైన పాట చూసి ఆనందించండి.



జోధా - అక్బర్ చిత్రం లోని పాటలు ఇక్కడ వినండి.
http://www.filmicafe.com/music_filmi_detail_song.php?movie_id=439

భూమిక మూలికా డైరి 2008

Bhumika Herbal Diary - 2008

పెరటి చెట్టు వైద్యానికి పనికి వస్తుందా? వంటింటి చిట్కాలు పనిచేస్తాయా? ఈ రెండు ప్రశ్నలకు సమాధానం గా అవును అంటున్నారు భూమిక పత్రికా నిర్వాహకులు. శోధిని సంస్థ వారు, భారతదేశం లో, ఐదు రాష్ట్రాలలో, పది సంవత్సరాలుగా, ఔషధ మొక్కలపై, వివిధ పరిశోధనలు చేశారు. పలు స్త్రీల case studies ఆధారంగా, ఈ మూలికా వైద్యం లో, వారి పరిశీలన, అనుభవాలను, ఈ చిన్న పుస్తకం ద్వారా మనకు అందిస్తున్నారు,ఉమామహెశ్వరి.

కురుల రక్షణకై మందార పూలను, కొబ్బరి నూనెలో వేసి మరగబెట్టి, వడగట్టి తలకు రాసుకోవటం మన ఇళ్లలో సాధారణంగా ఎరిగినదే.ఇలాంటివే,మరి కొన్ని మన ఇళ్లలో పెద్దవారు చేస్తూడటం మీరు గమనించే వుంటారు. ఇలాంటి వంటింటి చిట్కాలన్నీ, మాలగుచ్చి ఒక పూలదండ గా అందిస్తున్నదీ భూమిక హెర్బల్ డైరి.

ఇందులో ఇచ్చిన కొన్ని చిట్కాలు చెప్తాను.
వడదెబ్బ తగిలితే ఏమి చెయ్యాలి?
ఉల్లిగడ్డలు ఎక్కువ తినాలి.ఉల్లిరసం తాగించాలి.వడదెబ్బ తగిలిన వెంటనే,ఉల్లిగడ్డ వాసన చూపాలి.ఉల్లిగడ్డ దగ్గరే వుంచుకోవాలి.నిమ్మరసం ఎక్కువ తాగాలి.ఆముదం ఆకులు తలకు కట్టుకోవాలి.

పెదాలు పగిలితే

స్నానం చేసిన తరువాత,కొంచం ఆవనూనె (ఆవాల నూనె) ని బొడ్డు లోపల వెయ్యాలి. దీనివల్ల పెదాల పగుళ్లు తగ్గడం తో బాటు, ముఖం మీది పెళుసుతనం (dryness) తగ్గుతుంది.



ఇలాగా సుమారు అరవై రకాల ఆరొగ్య సమస్యలకు ఈ డైరి లో పరిష్కారం చెప్పారు. పల్లెలలో ఈ రోజుకీ, పెద్దవారు, పిల్లల చెవిలో, ఆముదం నూనె చుక్కలు పొయ్యటం ఉంది. అయితే, పోషణ (maintenance) కు, చెవిలో నూనె చుక్కలు వెయ్యటం,చెవిలో పుల్లబెట్టి గుబిలి తియ్యటం లాంటి పనులను అల్లోపతి సమర్ధించదు. దీనివలన చెవిలో infection సోకే ప్రమాదముంది.చెవి తన నిర్వహణ తానే చూసుకుంటుంది.ఏదైనా సమస్య వస్తే మాత్రం వైద్యుని కలవాలని అల్లొపతి చెప్తుంది. ఆయుర్వేదం, అల్లోపతి కొన్ని విషయాలలో విభేదిస్తాయి.అన్ని సమస్యలకు ఈ డైరి, సర్వస్వం కాదు.

ఈ గృహవైద్యంలో, ఒక మంచి ఏమంటే, ఇందులో దుష్ఫలితాలు ఏమీ వుండవు.ఈ మందులను వాడుతూనే, అవసరమైనప్పుడు, వైద్యులని సంప్రదించాలని, ప్రకాశకులు చెప్తున్నారు. మూలికా మందులు ఎలా తయారు చెయ్యాలో, వివరంగా ఇచ్చారు. ఈ డైరి చివర, notes, addresses & telephone nos కు తగినన్ని పుటలు అదనంగా ఇచ్చారు.
ఈ చిట్కాలన్నీ ఆంగ్ల, తెలుగు భాషలలో, ఒకే పుస్తకంలో ప్రచురించారు.చక్కటి ముఖచిత్రం,అందమైన ముద్రణతో ఈ డైరి పాఠకులకు ఉపయుక్తంగా వుండగలదు. ధర యాభై రూపాయలు.

ప్రతులు దొరకు చోటు
Bhooika,
HIG II,Block-8,Flat 1,
Baghlingampally,
Hyderabad- 500 044.
Tel: 040-27660173
e-mail: bhumikahyd@yahoo.com

ఖర్చు లేకుండా సమాజ సేవ

మీకు, మీ ఆంగ్లభాషా పద పరిజ్ఞానం పెంచుకోవాలని వుందా? ప్రపంచంలోని, ఆకలితో అలమటిస్తున్న, దీనులకు, సహాయం చెయ్యాలని వుందా? ఈ రెండు పనులూ, ఒకే సారి చెయ్యవచ్చు. ఎలా? ఈ దిగువన ఇచ్చిన వెబ్సైట్ సందర్శించండి.

http://www.freerice.com/index.php

మీ సందేహాలకు faq చూడగలరు.

ఈ పాట నీ కోసం

ప్రతి ఒక్కరూ వారు చేసిన తప్పులనే, అనుభవాలుగా మన ముందుంచుతారు.-ఆస్కార్ వైల్డ్
తెలివి కలవాడు, ఇతరుల అనుభవాల లోంచి నేర్చుకుంటాడు.

సరిగా నెల రోజుల క్రితం (Dec 4 2007 2:55:57 pm) దీప్తిధార బ్లాగుకు 10000 సందర్శకులు వచ్చారు. నా బ్లాగరు కష్టాలు లో చెప్పినట్లుగా, దాని గురించి ముచ్చటించటానికి ఇప్పటికి time కుదిరింది. I.P. చిరునామా సహాయం తో, 10000 వ సందర్శకుడిని గుర్తించి, జాబు రాసి రూఢి చెయ్యటం జరిగింది.

Suresh Muragalla - Skiing Expert (Green Level) in Copper Mountains Colorado (Dec 2005)

పాఠకుడి పేరు: సురేష్ మురగళ్ల
పట్టణం: Greeley - Denver, State: Colorado, Country: United States
స్వస్థలం: నెల్లూరు
ఉద్యోగం: E.R.P.Consultant
అభిరుచులు: Collectibles, Cooking, Photography, Traveling
చూసిన ప్రదేశాలు: Yellowstone National Park, Wyoming, Rcky Mtn Nt'l Park, Pikes Peak, Colorado, Arches National Park, Utah
సురేష్ కు ఏమి సేకరిచటం అంటే ఇష్టమో తెలుసా? సురేష్ మాటలలో "I collect Coins I have all different type of coins from all over the world, & I do collect shot glasses where ever I visit places in USA, for memories."
Orkut Profile ఇస్తున్నా. మీకు కూడా తనతో కలిసి Skiing చెయ్యాలంటే గీకండి ఆర్కుట్లో.
Orkut Profile: http://www.orkut.com/Profile.aspx?uid=17955260520402775004

మన పాఠకులలో ఎవరన్నా shot glasses సేకరించే వాళ్లుంటే, మీ అనుభవాలు రాయండి.

10000 వ సందర్శకుడిగా సురేష్ కు వున్న ప్రాధాన్యం దృష్ట్యా, తనకు నేను ప్రత్యేకంగా ఒక పాటను (ఆ పాట నేను రాయలేదు, పాడలేదు) అంకితం ఇస్తున్నా. గతంలో, కవులు, వారు రాసినవి, తమ ఇష్ట దైవానికో, లేక రాజుకో అంకితం ఇవ్వటం చేశారు. ఒక వస్తువు సృజనలో, సంబంధం లేని వాటిని, ఇప్పటి Music Channels లో అంకితం ఇవ్వటం, ఇవ్వాల్టి in thing గా వుంది. కాలంతోటి మనమూ ...

సురేష్ కు అంకితం ఇస్తున్న పాట Engeyum Eppothum. చిత్రం: ninaiththalE inikkum. Singers: SPB, Music: MSV, Lyrics: Kannadasan


ఈ పాట ఒక రీమిక్స్. మలేసియా లో ప్రాచుర్యలో వున్న యోగి 1980 ప్రాంతాల లోని, హిట్ పాటను, రాప్ లో వినిపిస్తున్నారు. తెలుగులో ఈ పాట, అందమైన అనుభవం చిత్రం లో మీరు వినియున్నారు. ఆ సినిమా విశేషాలకు చూడండి

http://vareesh.blogspot.com/2007/09/blog-post_26.html

సరే, కాసేపు, మీరు కూడా, కుర్రాళ్లోయ్! కుర్రాళ్లు అంటూ హం చేస్తూ, ఈ పాట చూసి ఆనందించండి.

ఆరోగ్యంగా ఉండటం కూడా ఒక కళ

మనస్సు, దేహం ఒకటా లేక వేరా? ఒకటే. మనస్సు ప్రభావం శరీరంపై, శారీరక అనారోగ్యం మనసు పై పడటమే దీనికి ఋజువు. ఆరొగ్యానికి ముఖ్యమైన ఈ రెండింటినీ సమన్వయపరచటం ఎలా? చూడండి

The_Art_Of_Fitness...

Hosted by eSnips

కువైట్ నుంచి అంతర్జాలంలో,ఒక మిత్రుడి ద్వారా, ఈ చిట్కా అందింది.ఇలాంటి ఉపయుక్తకరమైన సందేశాలతో బాటుగా, మిమ్ములను నవ్వించే, విజ్ఞానపరమైన, సమాచారాన్నిచ్చే మరిన్ని కథనాలకై సందర్శించండి.

http://groups.yahoo.com/group/biosymphony/

ఈ biosymphony గుంపులో సభ్యులు కండి.

అంతర్వీక్షణం

గౌతమి స్నాన ఘట్టం, రాజమహెంద్రవరం Photo: cbrao

ఎవరి పేరును వారు గూగుల్ లో అన్వేషించి ఫలితాలు చూసుకోవటం ఎక్కువైందని గూగుల్ సర్వే ఫలితాలు చెప్తున్నై. ఎదుటవారిని అర్థం చేసుకోవటం కంటే మనలను మనం అర్థం చేసుకోవటం ఎక్కువ కష్టమైనా, అభిలషణీయమైనది. ఆశ్చర్యమేమంటే మనలో లోపాలు ఎదుటవారు గుర్తించక ముందే, మనం గమనించలేక పోవటం. నిజమైన స్నేహితుడే, నీ హితాన్ని కోరి, నీలోని లోపాలను నీకు చెపుతాడు.

నా బ్లాగు దీప్తిధార మొదలు పెట్టింది 26th July 2006 న. మొదలు పెట్టి ఒకటి రెండు పారాలు రాసి, వదిలేసా. కారణం తెలుగు టైప్ చెయ్యటం కుదరక. కొన్ని నెలల తరువాత, తెలుగు ను లేఖిని లో టైప్ చెయ్యటం నేర్చుకుని, కష్టం మీద ఆ వ్యాసం పూర్తి చేశా. నా మొదటి టపా రేడియో మిర్చి. ఇది చాలా హాట్ గురూ. ఇందులో రడియో కు నాకు ఉన్న అనుబంధం, ఆ రోజుల్లో రచయితలతో నా పరిచయాలు, సమావేశాల గురించీ రాయటం జరిగింది. ఆ తరువాత చాన్నళ్లకు 15th Sept 2006 న మిత్రులు శ్రీ ఐ. మురళీధర్ కు ధర్మనిధి పురస్కార ప్రధాన సందర్భంలో, కవిరాజు త్రిపురనేని రామస్వామి చౌదరి పై రాసిన వ్యాసంతో, పునః ప్రారంభించి, అడపా దడపా బ్లాగులో నా రచనలు ప్రకటిస్తూ వున్నాను.

నా వ్యాస రచనలు పరిశోధనతో కూడినవి,రాసి లో దీర్ఘమవటం వలన, బ్లాగు ప్రారంభించి సంవత్సరం దాటినా ఇంతవరకూ ప్రచురించినవి కేవలం 88 మాత్రమే. ఇందులో కొన్ని రచనలు బహు ప్రజాదరణ పొందినవైతే మరి కొన్ని సాహిత్య విషయాలపై రాసినవి పాఠకులను పెద్దగా ఆకట్టుకోలేదు. ఏ విషయాలపై రాస్తే పాఠకులనుంచి స్పందన ఎక్కువొస్తుందో తెలిసినప్పటికీ, అలాంటి కథనాలు చాలా మంది ఇస్తున్నందున, వాటి జొలికి పోక, భిన్నమైన అంశాలతో, నాదైన శైలి లో రాస్తున్నాను.

స్వోత్కర్ష:

నేను ప్రారంభించిన కొన్ని వ్యాసాలు trendsetters గా వుండి, ఇతరులు ఆ అంశాలపై రాసే సందర్భం లో అదే మూసను అనుసరించటం జరిగింది.ఉదాహరణగా నెల నెలా జరిగే తెలుగు బ్లాగ్మిత్రుల సమావేశ నివేదికలు.సాహితీవనం శీర్షికపై ప్రారంభించిన సాహిత్యం గురించిన ప్రశ్నలు మరికొంతమందికి ప్రెరణ కలిగించి వారిని అలాంటి Quiz టపాలు రాసేలా చేసాయి. తెలుగు టైప్ చెయ్యటం రాక ముందు తెలుగు బ్లాగులను ఆంగ్లంలో Biosymphony (http://groups.yahoo.com/group/biosymphony) లో పరిచయం చేస్తూ వ్యాసాలు రాస్తే, తెలుగు రాయటం నేర్చాక తెలుగు బ్లాగులను తెలుగులో సమీక్ష చెయ్యటం మొదలు పెట్టాను. ఈ సమీక్షలు Biosymphony లోను, పారదర్శి (http://paradarsi.wordpress.com) లోను ప్రకటించడం జరిగింది.ఆ తరువాత ఇద్దరో,ముగ్గురో బ్లాగ్సమీక్షలు రాయటం మొదలెట్టి అర్థాంతరంగా ఆపేశారు.తెలుగు బ్లాగులపై, బ్లాగ్మిత్రులు, సమీక్షలు రాయటం అవసరం అని నేను భావిస్తూ, వారిని మరలా రాయవలసినదిగా కోరుతాను. తమ బ్లాగు పారడీల ద్వార, పాఠకులను నవ్వించి, కవ్వించిన చదువరి కొన్ని బ్లాగులను ఎంచుకుని సమీక్షిస్తే భవ్యంగా వుండగలదని, భవదీయుని తలంపు.

2007 కొన్నిజ్ఞాపకాలు

శోధనకు ప్రజాదరణ తగ్గిందా?

ఈ సమీక్షలు రాసే సమయం లో, శోధన సుధాకర్ బ్లాగు సమీక్షకై సుధాకర్ కు కొన్ని ప్రశ్నలు పంపితే, తాను వాటికి తెలుగులో సమాధానాలు రాసి నా యాహూ చిరునామాకు పంపంటం జరిగింది. యాహూ లో తెలుగు ఒక ముక్క అర్థం కాక, ఆంగ్లం లో సమాధానం పంపమని కోరాను. ఈ ఉత్తర ప్రత్యుత్తరాలలో కొంత కాలహరణం జరిగింది. నా బాధ పడలేక సుధాకర్ తన జవాబులను (తెలుగులో) ఏదో బ్లాగులో పెట్టి ఆ చిరునామా నాకు పంపటం జరిగింది. నేను వీలు చూసుకుని, నా సమీక్ష మొదలు పెడదామని, ఆ బ్లాగును సందర్శిస్తే అక్కడ క్రితం వుంచిన సమాచారం కనపడలేదు. ఇహ మళ్లీ ఉత్తరాలు రాసే తీరిక లేక నెల్లూరు పై వ్యాసాలు మొదలెట్టాను. పాఠకులకు అవి నచ్చాయన్నది వెరే విషయం.శోధన అలా సమీక్షకు చిక్కకుండా మిగిలిపోయింది. తెలుగులో బహుళ ప్రజాదరణ పొందిన ఈ బ్లాగుకు ఈ మధ్య ప్రజాదరణ తగ్గినట్లుగా, నాకు నచ్చిన 10 బ్లాగులలో శోధన లేకపోవటం కొంత ఆశ్చర్యాన్ని కలుగ చేసింది. చూడండి http://veeven.wordpress.com/2007/08/17/top10-telugu-blogs/


జ్యోతక్క బ్లాగుకు వస్తున్న ప్రజాదరణ చూసి అసూయ పడే వాళ్లున్నారని తెలిసింది ఆకాశరామన్న బ్లాగు ద్వారా. పొద్దు కు రాసిన వ్యాసంలో, తన రచనకు source of information తెలుపక పోతే వచ్చే ఇబ్బందులేమిటో జ్యోతక్కకు, మనకూ తెలిసింది. గృహిణి ఐన జ్యోతక్క తెలుగు బ్లాగులకు చేస్తున్న సేవ వెలకట్టలేనిది.బ్లాగర్లకు సూచనలందిస్తూ, తెలుగు బ్లాగుల కోసం, ఎంతో విలువైన సమయాన్ని వెచ్చించే జ్యోతి అభినందనీయురాలు. చూడండి

http://jyothivalaboju.blogspot.com


తెలుగు జాతీయవాది

తెలుగువారికి ఒక ప్రత్యేక దేశం కావాలన్న వితండవాదం తో మనకు పరిచయమైన అంబానాథ్ గుర్తున్నారా? తల్లుల పై రాసిన వీరి వ్యాసం విశేష స్పందన పొంది 53 పైగా పాఠకుల ఉత్తరాలను పొంది ఒక కొత్త చరిత్ర సృష్టించింది.తన బ్లాగు కేవలం ఆహ్వానితులకు మాత్రమే అని ఒక కొత్త వరవడి ప్రవేశపెట్టారు వీరు. దీనివలన తన బ్లాగులో ఏమి ప్రచురితమవుతున్నయో అనే విషయం కూడలి కి కూడా తెలియదు. అన్వేషణ యంత్రాలకూ తెలియదు. ఇలా close ended blog అవటం వలన మన పాఠకులు దాని గురించి చర్చించే అవకాశం లేదు. ఈ బ్లాగు మీరు చదవాలంటే అంబానాథ్ కు జాబు రాయండి ఆహ్వానం కొరకు.

ambanath at gmail.com

అంబానాథ్ బ్లాగు చిరునామా

http://www.telugujaatheeyavaadi2.blogspot.com/


కొత్త నీరు

ఈ మధ్య పాఠకుల ఆదరణ పొందిన కొన్ని బ్లాగులలో కొత్తపాళి బ్లాగు మొదటగా చెప్పుకోవాలి. వీరి కొత్తపాళి, విన్నవి కన్నవి బ్లాగులను పాఠకులు ఇష్టంగా చదువు తున్నారు. ఈ మధ్యన వెల్చేరు నారాయణ రావు గారు హైదరాబాదు వచ్చినప్పుడు, వారు ఎన్నో విషయాలు ముచ్చటించటం జరిగింది. శ్రీకృష్ణదేవరాయ విరచిత ' ఆముక్త మాల్యద ' లాంటి ప్రబంధాలు చదివే వారు తక్కువయ్యారని, విచారం వ్యక్త పరిచారు. మీరు చదివారా? ఆముక్త మాల్యద ను తెలుగు పాఠకులకు కొత్తపాళీ పరిచయం చేస్తున్నారు తమ బ్లాగు ద్వారా. చూడండి

http://telpoettrans.blogspot.com/2006/11/amukta-malyada-story-begins-thus-sri.html



కంప్యూటర్ సమస్యలపై సాంకేతిక సహాయం అందించే కొత్త బ్లాగు కంప్యూటరెరాస్, కొద్దికాలం లో ఎక్కువ టపాలు ప్రచురించి, 10000 పై చిలుకు పాఠకుల ఆదరణ పొందింది.

http://computereras.blogspot.com


మీరు చూశారా? మా హ్యాపీ డేస్.........వీడియో. విజయవంతమైన హ్యాపీ డేస్ సినిమా తో ప్రేరణ చెంది నిర్మించిన వీడియో ఇది. చక్కటి సాంకేతిక విలువలతో ఉన్నదీ వీడియో.

http://gemsofhindupur.blogspot.com/2007/12/blog-post.html



తెలుగు సినిమా పై పట్టువోని కార్యదీక్షతతో రాస్తున్న ఔత్సాహిక యువ బ్లాగరు వెంకట్. సినిమా ప్రేమికుల అభిమానం బాగా పొందాయి వెంకట్ రచనలు. 24 ఫ్రేంస్ బ్లాగే కాక నవతరం అనే వెబ్ సైట్ ప్రారంభించి విశ్లేషణాత్మకం గా సినిమా వార్తలు అందిస్తున్నారు. అతని ప్రయత్నం విజయవంతం కావాలని ఆశిద్దాం.చూడండి.

www.24fps.co.in
www.navatarangam.com

తెలుగు వారికి పనికి వచ్చే ఎంతో సమాచారం తో కూడిన వంశీ వెబ్ సైట్ మీకు పరిచయమే. ఇందులో కొత్త సొగసులద్దటానికి నిరంతరం ప్రయత్నాలు జరుగుతున్నై.అతిధి రచయితలతో వ్యాసాలు రాయించి ప్రకటిస్తున్నారిక్కడ. ఇందుకోసం ఎందరో రచయితలకు నిరంతరం ఎన్నో వుత్తరాలు రాస్తూ, శ్రమించి విజయులయ్యారు వంశీ. చూడండి

http://maganti.org/vyasavaliindex.html


కొత్త బ్లాగరు పొద్దెరగడట. విశాఖనుంచి ఒక బ్లాగరు ఉదయం సాయంత్రం బ్లాగులు రాస్తూ, తను నిద్రింపక, మనలను నిద్రపోనీకుండా రాస్తున్నాడు. కొద్దికాలంలో ఎక్కువ టపాలు రాసి ఒక కొత్త record సృష్టించే ప్రయత్నంలో వున్నారీయన. పాఠకుల ఆదరణ లభించింది. పర్యావరణ స్పృహ కూడా వుంది. మంచి అంశాలతో చర్చలకు మనలను ఆహ్వానిస్తున్నాడు. చూడండి

http://pichukalu.blogspot.com
http://visakhateeraana.blogspot.com
http://charchaavedika.blogspot.com/

ఇంకా ఎన్నో కొత్త మంచి బ్లాగులు ఈ సంవత్సరం మనం చూశాం. స్థలాభావం వలన మరి కొన్ని మంచి బ్లాగుల గురించి రాయలేక పోతున్నా.అలా రాయలేక పోతున్నందుకు బ్లాగు మిత్రులను మన్నించ వలసినదిగా మనవి. ఈ సంవత్సరంలో బ్లాగుల సంఖ్య పెరిగింది. టపాలు పెరిగాయి.ప్రచురితమైనవన్నీ గతంలో చదివినా, ఇప్పుడు సాధ్యపడటం లేదు.బ్లాగులో టపాలకు వర్గీకరణ అవసరం ఎక్కువైంది. కూడలి లో ఇప్పుడున్న వర్గీకరణలకు తోడుగా అదనంగా ఏమి వుంటే బాగుండగలదని మీ అభిప్రాయం?

మీ అందరికీ నూతన సంవత్సర శుభాకాంషలు.