అభిమానుల ఉత్తరాలు

అశ్హ్రిత, న్యూ జెర్సి

పగలంతా పెద్ద పనేమి ఉండదిక్కడ. ఎక్కువసేపు టివి చూస్తాను.ఇక్కడకు వచ్చాక, తెలుగు వారు కనిపిస్తే ప్రాణం లేసొస్తుంది. http://tlca.com/ వారు నిర్వహించే కార్యక్రమాలకు, క్రమం తప్పకుండా వెళ్తున్నాము. మీరు మావూరొచ్చినప్పుడు, తెలుగు పత్రికలు, పుస్తకాలు తీసుకొస్తారా? నాకు ఇంటర్నెట్ సౌకర్యం ఉంది. మంచి తెలుగు పత్రికల URL లు పంపండి. నా రచనలు ఎవరికి పంపితే బాగుంటుంది?

చందన, అట్లాంటా
నాకు దేవులపల్లి కవితలంటే ఇష్టం. వాటిని నా బ్లాగులో వాడుకోవచ్చా?

దేవలత, హూస్టన్
నా బ్లాగులో, చిత్రాల కోసం internet లో దొరికే చిత్రాలు వాడుకుంటే , కాపీ రైట్ ఉల్లంఘన అని తెలుగు బ్లాగు గుంపులో ఎవరో రాసారు. నా బ్లాగు నేను సరదాగా రాస్తున్నాను. వ్యాపార దృక్పధం నాకు లేదు కాబట్టి, ఆ సూత్రాలు నాకు వర్తించవని అనుకొంటున్నాను.నా వాదనలో తప్పుందా?

ధన్యత,శాన్ జోస్,కాలి ఫోర్నియ
రావు గారు - మీరు చావా కిరణ్ ను తొలి బ్లాగరంటున్నారు.కృష్ణదాస కవిరాజు అన్న కలం పేరుతో కిరణ్ బ్లాగు ఇది.
http://krsnadasakaviraju.rediffblogs.com/2004_02_05_krsnadasakaviraju_ar...
ఈ టపా ప్రచురణ తేది: 04/11/2004
rajapiduri వారి అన్వేషణ - ఒక ప్రవాహం
http://rajapiduri.blogspot.com/2000_03_01_archive.html
ఈ టపా ప్రచురణ తేది 2000-03-11
ఈ లెక్క ప్రకారం రాజ పిడూరి కదా మొదటి బ్లాగరు?
ఏది సరైనది?

అజిత్,ఫీనిక్స్, అరిజోనా
నాకు సాహస క్రీడలు,romantic కథలు ఇష్టం. Dr.సమరం, కుటుంబ పత్రికలలో, శృంగార సంబంధిత వ్యాసాలు రాస్తారు.తెలుగు బ్లాగులలో sex సంబంధిత, educative విషయాలపై, వ్యాసాలు ఎవరూ రాయరెందుకని? అలా రాయాలంటే, ఎలాంటి జాగ్రత్తలు, తీసుకొని రాయాలి?

నీహరిక, కొలంబస్
రావు గారికి -తెలుగుబ్లాగు గుంపునకు అసంఖ్యాకంగా జాబులు వస్తున్నవి.కూడలికి వచ్చే టపాలు కూడా పెరిగి పోయాయి. ఇవన్నీ చదివికా, నా బ్లాగు రాద్దామంటే, ఓపిక ఉండటంలేదు, సమయం చాలటం లేదు. ఇన్ని బ్లాగులు నా బుర్రనిండా ఉంటే , నా బ్లాగు ఎట్లా రాయటం?

ఏకావళి, ఓమహా, నెబ్రాస్కా
పనిమనిషి రాదేమోనన్న బెంగ ఇక్కడ లేదు. ఇంటిపనులన్నీ నేనే చేస్తున్నా నంటే నమ్ముతారా? ఇక్కడ పలకరించే దిక్కే లేదు. ఇక్కడ తెలుగువారు ఉన్నారని, మా వారంటారు. ఏమీ తోచటం లేదు. జీవితమంటేనే విసుగ్గా ఉంది.భారతదేశంలో ఎంతో మంది చుట్టాలు, స్నేహితులు. ఏమిటో తెలియని వెలితి, మనసంతా భారంగా. ఇండియా వచ్చేద్దామనుంది.

గగన,లండన్.ఓంటారియో, కెనడా.
ఇక్కడనుంచి ఒక గంట ప్రయాణం చేస్తే నయాగర జలపాతం. అవును అంత దగ్గర మాకు.కెనడా లో లండన్ ఏంటని చాలా మంది అడుగుతారు. బ్రిటీష్ దేశం నుంచి వచ్చిన వలసవారు, మాతృదేశం, లండన్ పై అభిమానంతో, ఈ పేరు పెట్టుకున్నారు. ఇక్కడకు రావాలంటే, మీకు కెనడా వీసా కూడా కావాలి.

జూన్ 13, 2007 న ఈ తెలుగు లో మొదటి ప్రచురణ. -ఈ తెలుగు సౌజన్యంతో.

పుట్టని పాపకు లేఖ

"పుట్టని పాపకు లేఖ"  కవిత వ్రాసిన పెరుగు సుజనారామం అధ్యాపకురాలు. వీరు   వ్రాసిన  మల్లెమొగ్గలు : చిన్నారుల వ్యక్తిత్వం  అనే  బాలల మనో వికాసానికి తోడ్పడే   పుస్తకాన్ని విశాలాంధ్ర  ప్రచురణాలయాలు  వారు ప్రచురించారు. ఈ కవిత తొలిసారి "నన్ను క్షమించొద్దు"  అనే పేరుతో ముద్దమందారం బ్లాగులో ప్రచురితమయ్యింది. సుజనారామం గారిదే మరో బ్లాగు తామసి .ఈ బ్లాగులు మన తెలుగు బ్లాగు సంకలనులకు అనుసంధానం కాలేదు. ఈ కవిత మొదటిసారి చూస్తూనే అలా చదివించి, ఆకట్టుకుంది. దీప్తిధార పాఠకులకు నచ్చుతుందని  ఆశిస్తూ , ఈ కవిత మీ కోసం ఇక్కడ.

Photo courtesy: fun-mag

నన్ను క్షమించొద్దు ప్లీజ్
నా చిట్టి తల్లీ
నిమిషంలోనే
నా మనసంతా ఆక్రమించావు
తామరాకుల్లాంటి
బుజ్జి బుజ్జి పాదాలతో
ఎగసి పడే తరంగాలతో
నా పొట్టలో నువ్వు చేసే అల్లరి
నా ఉహల్లోకి రాకముందే
నిన్ను భ్రూణ హత్య చేశాను

నా కళల కంటి పాపా
నీ తల్లి నిర్దయరాలేనమ్మా
నన్నెందుకు మొగ్గలోనే త్రున్చేసావమ్మా
అని ప్రశ్నించకుతల్లీ !
నీ కోసం ప్రపంచాన్ని ఎదిరించాలనే ఉంది
నీ కోసం దూరంగా పారిపోవాలనే ఉంది
కాని నిస్సహాయరాలుని
నా చుట్టూ ఉన్న ప్రేమ రాహిత్యంతో
అందరూ ఉండీ లేనిదానిలా
నిన్నో నిర్భాగ్యురాల్నిచేయలేను

నా కేప్పటికీ నీ మీద ప్రేమే తప్ప
ద్వేషం రానే రాదు
ప్లీజ్ ....నీ బుజ్జి కాళ్ళ తో
నా గుండెని తన్నొద్దు
అమ్మా...అమ్మా అంటూ నా చెవిలో
గుస గుస లాడవద్దు
నా మీద నాకే పెరిగిన కోపాన్నీ ద్వేషాన్నీ
తగ్గించ వద్దు
నన్ను క్షమించవద్దు

-పెరుగు సుజనారామం

బ్లాగులు- వ్యాఖ్యలు -11

Spot-billed Pelicans (Pelecanus philippensis) at Uppalapadu Bird Sanctuary, Guntur District.  Photo: cbrao

:( నాకు సమ్మగా ఓ పుండు అయ్యిందోచ్ :)

ఇదేమిటిలాగా?  'నాకు పూజ చెయ్యకపోతే, నువ్వెంత మంచోడివైనా నాశనమైపోతావురేయ్' అని సత్యనారయణ స్వామి వారు బెదిరించినట్లుగా, మీరు కూడా దేవుడిలా, "వ్యాఖ్య వ్రాయకపోతే"  అని బ్లాక్ మెయిలింగ్ కు దిగారా?    దేవుడు భక్తులను బ్లాక్ మెయిల్ చేసే విధానం మీకు తెలియకపోతే సుజాత వ్రాసిన "ఎవరికి తెలియని కథలివిలే! "  

http://manishi-manasulomaata.blogspot.com/2009/01/blog-post.html

చదవగలరు.

http://sarath-kaalam.blogspot.com/2011/01/blog-post_1596.html


హైదరాబాద్ కబుర్లు, పుస్తక ప్రదర్శనా, ఎగ్సెట్రా ఎగ్సెట్రా..

అయ్యో! మిమ్ములను మిస్ అయి పోయామే.  మీ బ్లాగుకు  ఇదే నేను రావటం అనుకుంటాను. హైదరాబాదు గురించిన మీ పరిశీలన, అనుభూతి హృదయాన్ని తాకింది. ఫిబ్రవరి లో బహుశా నేను బెంగలూరు రావచ్చు. నేను ఎప్పుడు మీ ఊరొచ్చినా తెలుగు బ్లాగర్ల, వికీపిడియన్ల సమావేశం జరుపుతాను.

http://krishna-diary.blogspot.com/2011/01/blog-post.html

A Summer Evening - My Second Timelapse Experiment

Nikon D40 and video!  It is amazing  considering that D40 can't record video.  Best example for  amalgamation of stills made as  video slide show, which are shot in time lapse. Congratulations for the brilliant video.

http://www.youtube.com/watch?v=4Es6nN2p86A&feature=player_embedded

వినదగునెవ్వరు చెప్పిన

"చిన్న తాళం చెవితో పెద్ద తాళాన్ని తెరవగలుగుతున్నట్టే - చిరునవ్వుతో ఇతరుల హృదయాలలో సుస్తిర స్తానాన్ని సంపాదించుకోవచ్చు."
ఇంకొంచం పెద్ద తాళం చెవితో ప్రపంచాన్నే గెలవవచ్చు.

http://bhandarusrinivasarao.blogspot.com/2011/01/blog-post_15.html


అనగనగా ఒక మంచు ఐరేంద్రి !

కధా నాయకుడికి కళ్లు పోతే ధీరత్వం దెబ్బతింటుంది. ఇంక కధ లో మజా ఏముంటుంది? కండలు లేని సిద్ధార్ధను ధీరుడిగా ఊహించలేము. ఏమైనా తెలుగు సినిమా లో గ్రాఫిక్స్ లో ముందడుగు వేసిన ఈ సినిమా అభినందించతగ్గదే. చిత్ర కధ చెప్పీ చెప్పకుండా ఉండి ఆసక్తికరంగా చదివించిందీ సమీక్ష.

http://navatarangam.com/2011/01/anaganaga-o-dheerudu-review/


"వంశీ 'మా' పసలపూడి కథలు"

నాటకీకరణ సమయంలో, వ్యాపార సూత్రాల దృష్ట్యా,  ఆంధ్రదేశ ప్రజలంతా చూస్తారు అనే విషయయం  దృష్టిలో ఉంచుకుని భాష లో  గోదారి జిల్లా యాస కావాలని తగ్గించినట్లున్నారు. అయితే సుంకి పాత్రలో ఈ యాస వినిపిస్తుంది. ఇప్పుడొస్తున్న అనువాద ధారావాహికల మధ్య మా పసలపూడి కధలు ఎడారిలో ఒయాసిస్ లాంటిది.  గ్రామీణ దృశ్యాలు, గోదారి గలగలలు, కొబ్బరి తోటలు  ఇంకా  పిల్ల కాలువలు నయనానందకరంగా ఉన్నై. తప్పక ఆదరించతగ్గదీ  మా పసలపూడి కధలు ధారావాహిక.

http://nemalikannu.blogspot.com/2011/01/blog-post_21.html


వికీపీడియా దశాబ్ది వేడుక

@రమణ: బొమ్మలు/సంగీతం -వాటి హక్కుదారుల కాపీరైట్ కు భంగం వాటిల్లకుండా చూడాలి.  మీకు హక్కులేని వాటిని మీరు వికిపీడియాకు ఎగుమతి చేయరాదు. అట్లా చేసిన వాటిని వికీ సంపాదకులు తొలగిస్తారు. మీరు తీసిన ఛాయాచిత్రాలు, గీసిన బొమ్మలు, పాడిన పాటలు, సృజించిన సంగీతం వికీకు ఎగుమతి చెయ్యవచ్చు. మీరు ఎగుమతి చేసినవాటి ని  ఇతర వాడుకదారులు  మీకు ఎలాంటి రాయల్టీ చెల్లించకుండా వాడుకునేలా మీరు అనుమతిస్తున్నారు. ఏ పుస్తకం లేక సృజనాత్మక పని ఏదైనా  సృజనకర్త మరణించిన 60 సంవత్సరాల తరువాత ఆ రచనలను ఎవరైనా స్వేచ్ఛగా వాడుకోవచ్చు. అయితే కాపీరైట్ ఉన్నవాటిని వ్యాపార కార్యక్రమాలు కాని వాటిలో  కొన్ని పరిమితులకు లోబడి, సమీక్ష వగైరాల కొసం  Fair usage కింద వాడవచ్చును. ఉదాహరణకు  ఈ బ్లాగ్ లోని చిత్రాలు కొందరు బ్లాగర్లు తమ తమ వ్యాసాలలో వాడుకోవటం జరిగింది. Fair  usage క్రింద ఈ వ్యాసం లోని  చిత్రాలు వాడే సమయంలో Photo Courtesy: cbrao అని ఉదహరించటం సత్సాంప్రదాయం.   వికీపీడియన్లకు ఇలా Photo Courtesy  అని ఉదహరించే  అలవాటు  ఈ రోజు జరిగిన అవగాహ సదస్సు లాంటివి ద్వారా తెలియచెయ్యాలి.    Fair usage గురించిన మరింత సమాచారం కోసం  ఇక్కడ చూడండి.  కాపీరైట్  హక్కుల చట్టం  1957  ను ఇక్కడ నుండి దిగుమతి చేసుకోండి.

http://deeptidhaara.blogspot.com/2011/01/blog-post_25.html

వీధి పిల్లలు - మహె జబీన్

Mahe Jabeen Photo: cbrao

శ్రీమతి మహె జబీన్‌ కవి, కధా రచయిత్రి ఇంకా న్యాయవాది. సాంఘికసేవా కార్యక్రమాలకు రాజీవ్ గాంధి మానవసేవా బహుమతి పొందారు.  ఆంధ్రప్రదేష్ లో, 10 వ తరగతి వాచ్యపుస్తకంలో ఈ Street Children కవితను   Board of Secondary Education వారు పాఠ్యాంశం గా ఉంచారు.

Street Chidren (వీధి పిల్లలు) - మహె జబీన్ 

Photo courtesy: Soarage International

అనేకానేక సంక్షోభాలు
జీవితాన్ని కుదిపేశాక
బ్రతకటమనేదే ఆఖరి సమస్య
ఎవరికి ఎవరు ఏమీ కానప్పుడు
సొంత రక్తంలో పరాయితనం....

చెత్త కుప్పల మీద పరచుకున్న
శాపగ్రస్త బాల్యం street children
జీవితాన్ని వెతుక్కోవడానికి
సూర్యోదయానికి సలాం కొట్టి
వాళ్ళు బయల్దేరుతారు
భుజం మీద సంచిలో
బ్రతుకు భారాన్ని మోస్తూ

అక్షరాలు దిద్దాల్సిన బాల్యం
చిత్తు కాగితాల్లో చిక్కు పడిపోయింది
పాలు తాగాల్సిన బాల్యం
పాల కవర్ల వేటలో చేజారిపోయింది

ఏ అమావాస్య వాళ్ళను
వీధిపాలు చేసిందో ?
ఎండా...వాన...
ఏ  ఋతువైతేనేం?
పగలు ...రాత్రి ...
సమయంతో  సంబంధమేమీ లేదు
ఎవరున్నారు అడగడానికి

కేవలం బ్రతకడానికి
ఎన్నెన్ని యుద్దాలు చేస్తారు వాళ్ళు
ఎన్నిసార్లు గాయ పడతారో తెలుసా?
చేత్తకుప్పల్లో దొరికే వాటిని తీసి
అపురూపంగా సంచిలో వేసుకునే
వాళ్ళను చూస్తుంటే
పురాతత్వ శాస్త్రవేత్తలు గుర్తుకు వస్తారు
వాళ్ళు నడుస్తుంటే
ఆత్మస్థైర్యం సాకారమైనట్టు అనిపిస్తుంది 


మహెజబీన్ 

ఈ కవిత నాకు పంపిన పెరుగు రామకృష్ణగారికి నెనర్లు.