జ్ఞాపకాలు, ఆలోచనలు,విశేషాలు -6

ఎందుకు రాయాలి?

ప్రతి రచయితా ముందు ఇదమిద్ధంగా, జవాబు తేల్చుకోవాల్సిన ప్రధమ ప్రశ్న ఇది. ఎవరి కోసం? ఎప్పుడు? ఇవి తరువాతి ప్రశ్నలు. ఎదైనా కొత్త విషయం తనకు తెలిసినది, ప్రపంచానికి చెప్పాలన్న దుగ్ధే, రచయితను ముందుకు నడుపుతుంది. తను ఎవరి కోసం రాస్తున్నాడో కూడా, రచయిత నిర్ధారించు కోవాలి. తను ప్రవేశ పెట్టే కొత్త ఊహలు, సిద్ధాంతాలు అందరికీ నచ్చక పోవచ్చనే స్ప్రుహలో రచయిత ఉండాలి. ఉదాహరణకు రచయిత హేతువాదయితే, తన రచనలు సమాజం లోని అన్ని వర్గాల ప్రజలను సంతృప్తి పరచజాలవనే వాస్తవాన్ని, గ్రహించాల్సుంటుంది. ఎక్కడ, ఎవరి కోసం రాస్తున్నామనే అవగాహనతో రాయాలి. కొన్ని సార్లు Target readers స్థాయి బట్టి రచనలు చేయాల్సుంటుంది. స్కూల్ పిల్లలకు శాస్త్రీయ విషయాలు రాసే సమయంలో, పిల్లల స్థాయిలో, మన భాష, శైలి వారికి సరళంగా బోధపడే విధంగా మన రచన ఉండాలి. సాధారణ పఠితలు (శోధకులు, నిష్ణాతులు కానివారు) విషయం లో రచనలు ఏ స్థాయి లో ఉండాలి అని మరో ప్రశ్న ఉత్పన్నమవుతుంది. పాఠకుడి స్థాయికి, రచయిత దిగి రాయాలా లేక రచయిత తన స్థాయిలో రచన చేసి, పాఠకుడిని అట్లాంటి కథలు చదివే స్థాయికి పెంచాలా అనేది అప్పుడప్పుడూ వినిపించే ప్రశ్న. పాఠకుడు తన స్థాయికి మించిన రచనలు చదివేలా అలవాటు చెయ్యటం, రచయిత ముందున్న సవాలు. రచయిత, తన రచన స్థాయిని అంచెలంచెలుగా పెంచుకుంటూ, పాఠకుడిని తన వెంటే తీసుకు వెళ్లాలి, తన స్థాయిలో. రచయితకు కొన్ని సార్లు, ఇది కత్తి మీద సామే అవ్వగలదు. ఈ ప్రక్రియ లో విజయం సాధించిననాడే, రచయిత పలువురి మన్నలను పొందగలుగుతాడు; కీర్తి శిఖరాలను ఆరోహిస్తాడు.

http://mandahaasam.blogspot.com/2008/08/blog-post_04.html

 

ప్రశ్నే జగత్కల్యాణానికి కారణభూతం

"చదివినదాన్ని ఊహించి ఆనందించడం నా చుట్టూ చాలా మంది చేస్తే, నేను కాస్త తింగరోణ్ణికాబట్టి ఆనందించడంతోపాటూ ప్రశ్నించడం మొదలెట్టేవాడిని." -పర్ణశాల మహేష్

ప్రశ్న, మానవుడి మేధ ఎందుకు, ఎలా, ఎప్పుడు అన్న ప్రశ్నలు వేసియుండకపోతే, ఈనాడు మనము ఈ ఉత్తరాన్ని e-mail లో కాకుండా, పావురాల ద్వారా పంపివుండేవారము. చెట్టుపై నుంచి కింద పడే ఆపిల్ పండు, కిందకు కాకుండా, పైకెందుకు వెళ్లటం లేదన్న ప్రశ్న, భూమ్యాకర్షణ సిద్ధాంతం కనుగొనటానికి కారణమయ్యింది. పక్షులు ఎగరగలుగుతున్నాయి. మనమేల ఎగురరాదు అనే ప్రశ్న రైట్ సోదరులకు వచ్చి ఉండక పోతే, అమెరికాకు మనము ఓడలలోనే ప్రయాణం చేసే వారము. ప్రశ్న మానవాళి ఆలోచన, జీవన విధానాన్ని పూర్తిగా మార్చివేసిన మహత్తరమైన వజ్రాయుధం.

చెట్టు ముందా, విత్తు ముందా

ఈ చరాచర ప్రపంచ సృష్టికర్త భగవంతుడని చర్చి,బైబుల్, వేదాంతాలు చెప్తాయి. దేవుడున్నాడని ఆస్తికులు బల్లగుద్ది చెప్తారు. ఇది విశ్వాసం పై ఆధారపడి ఉంది. సైన్స్ ఈ ఆలొచనా విధానానికి భిన్నంగా, పలు ప్రశ్నలు వేస్తూ, తనే సమాధానాలు కనుక్కుంటూ, ఈ నిరంతర పరిశోధనలో తనను తాను సవరించుకుంటూ, ముందుకు నడుస్తుంది. తను విశ్వసించినవాటికి ఋజువులు చూపిస్తుంది. నాస్తికులు సైన్స్ ను నమ్ముతారు. దేవుడు లేడని ప్రచారం చెయ్యరు. ఆస్తికులు ఉటంకించే దేవుడి అస్తిత్వానికి, తమ శాస్త్రీయ దృక్పధంతో, దానికి ఋజువు చూపమంటారు. శాస్త్రరీత్యా దేవుని అస్తిత్వాన్ని ఋజువు చేయటం సంభవం కాలేదు కనుక, నాస్తికులు దేవుని అస్తిత్వాన్ని ప్రశ్నిస్తారు.

రచయిత బలహీనమే బలం

రచయిత సున్నిత మనస్కుడు. ఒక మానసిక బలహీనత ఉంటుంది. ఆ ఋగ్మత లో,తనకు తెలిసిన విషయాలు ప్రపంచానికి తెలియ చెప్పాలన్న దుగ్ధ (urge) ఉంటుంది. ఈ దుగ్ధే అతని చేత మహత్తరమైన రచనలు చేయటానికి ఉత్తేజాన్నిస్తుంది. ఇందుకు ఉదాహరణగా కార్ల్ మార్క్స్ 'Das Capital', గోర్కీ అమ్మ వగైరా చెప్పుకోవచ్చు. నిజానికి రచయిత మానసిక ఋగ్మతే అతని బలం. ఒక విషయం పై ఆలొచిస్తూ ఉన్నప్పుడు, ఆలోచనలు, కొత్త ఊహలు జీవన ధారలా వస్తాయి. వాటిని ఆపటం కష్టం. వాటిని ఎంత త్వరగా కాగితం పైన పెడితే, అంత బలోపేతంగా ఉంటాయి. ఆలొచనలను వికసించ నీయండి. వెయ్యి భావాలు వెలుగులోకి రానీయ్యండి.

విమర్శలు బ్లాగుకు అందం, జీవం
బ్లాగుకు విమర్శలు ఉప్పు లాంటివి. ఉప్పు లేని కూర ఎలా ఉంటుందో మీకు తెలుసు కదా. విమర్శలూ జిందాబాద్. బ్లాగరూ జిందాబాద్.

http://parnashaala.blogspot.com/2008/08/blog-post_24.html

జ్ఞాపకాలు, ఆలోచనలు,విశేషాలు -5

Painting Courtesy: Bapu

గద్దర్ - రాముడు

శ్రీకాకుళం లో కమ్యూనిస్టులు అనేవారు (?) “ఈ పీడిత ప్రజల కోసం మేమెంత కష్టపడ్డామో, మాకు తెలుసు, ఇంకా పైనున్న వాడికి (God) తెలుసు." మనిషి ఎంత హేతుబధ్ధంగా సిద్ధాంతాలు చేసినా, కొన్ని పొరబాట్లు అలా జరుగుతుంటాయి. దీనికి కారణం చుట్టూ ఉన్న, సామాజిక పరిస్థితులు, ఆలోచనలపై కలిగించే ప్రభావం కావచ్చు. ఉదాహరణగా గద్దర్, భద్రాద్రి రాముని వేడుకోవటం చెప్పవచ్చు.

http://navvulaata.blogspot.com/2008/08/10000.html?ext-ref=comm-sub-email

ఆడ బ్లాగుల్లో సోదే వుంటుందా?

"ఇకనుంచి నేనూ గొడవలు, తగాదాలు దారితీసే టపాలు రాస్తానుండండి." – మనసు బ్లాగరి సుజాత.

ఇష్ట కామ్యాభి సిద్ధిరస్తు. మీరు "ఆడ బ్లాగుల్లో సోదే వుంటుందా?" అనే అంశం పై ఒక టపా రాయగలరా? రాసే సమయంలో ఇవి కూడా గుర్తుంచుకోండి. ప్రాచుర్యం చెందిన టపాలలో ఏ అంశాలపై రాసారు? పులిహోర పురాణం, ఉపాహరంలో నాకు నాచ్చనిది ఒక్కటే , ఆంటీలా కనిపిస్తున్నానా? పదహారేళ్ల అమ్మాయిలా లేనా?, మా అత్తగారి కబుర్లు, మొగుళ్లంతా ఒకటే,వంటింట్లో నా మొదటి రోజు,బీరకాయ మహత్యం , సాంబారు చేద్దాం రండి,వండమని నన్నడగ తగునా, పండగలు - పిండివంటలు, ఇవే నా ఆరు రోజుల నగలు,నా పుట్టిన రోజు మరిచిపోయి చూడు,మొదటి ప్రేమ లేఖ, పుట్టలో పాలు పోయటం ఎట్లా? వగైరాలు గురించి బ్లాగుల్లో రాస్తున్నారేమోనని శోధించండి.
వంటే నా లక్ష్యం. రుబ్బురొలే నా మార్గం. మీరు రాయటమే తరువాయి, ఆ తరువాత ఏమి జరుగుతుందని నన్నడగొద్దు. నాకూ తెలియదు. ఇది మహిళా బ్లాగరుల రాజ్యం. ఈ ఉత్తరం పై మీకు అభ్యంతరాలుంటే మనసు బ్లాగరి సుజాత కు రాయండి. తను పాడే కదనకుతూహలరాగం వినిపించటం లేదా?

http://sarath-sahityam.blogspot.com/2008/08/blog-post_24.html

బ్లాగులు - వ్యాఖ్యలు

బ్లాగు లేక పోయినా, రాయక పోయినా (Update), వ్యాఖ్యాతకు నష్టం లేదు. వ్యాఖ్యలు లేనిచో , బ్లాగరు లో (ముఖ్యంగా కొత్త బ్లాగరులలో) అసంత్రుప్తి చోటు చేసుకునే అవకాశం ఉంటుంది. సద్విమర్శలు బ్లాగుకు ప్రాణవాయువు లాంటివి.

ముగ్గురు సుజాతలు

1) మనసు బ్లాగరి సుజాత (మనసులోమాట)
2) A to Z Sujata (గడ్డిపూలు)
మూడవ సుజాత నార్ల బ్లాగు కు రాసే సుజాత గారు.నార్ల పుస్తక సంగ్రహాన్ని పరిచయం చేస్తూ, పెద్ద వ్యాసం రాశారు. అంబేడ్కర్ యూనివర్సిటీ లో Librarian గా పనిచేస్తున్నారు. నార్ల తదనంతరం, నార్ల గ్రంధాలయాన్ని, ఈ విశ్వవిద్యాలయానికి బహుకరించటం జరిగింది.

http://sarath-sahityam.blogspot.com/2008/08/blog-post_26.html

ప్రజా రాజు చిరంజీవి

తన వాలంటీర్ల సేవతో, ఎంతోమంది నగుమోము పై చిరునవ్వులు పూయించాడు కదా, చిరంజీవి. సంతోషాంధ్ర ప్రదేష్ ఎంత దూరంలో ఉంది?

http://manishi-manasulomaata.blogspot.com/2008/08/blog-post_27.html

జ్ఞాపకాలు, ఆలోచనలు,విశేషాలు -4

Mural at Shantiniketan                                        Photo: cbrao

బ్లాగరు సొంత విషయాలు

Virtual world కు Real World కు వ్యత్యాసం ఎక్కువ. బ్లాగు ప్రపంచం లో ఎవరికీ, ఇంకొకరు తెలియరు. బ్లాగరు తన గురించి తను రాసుకుంటే తప్ప, తన గురించి వేరే వారికి తెలుసుకునే అవకాశం తక్కువ. అందుకే ఎప్పుడైనా బ్లాగరు తన సొంత విషయాలు రాస్తే, మిగతావారు ఆసక్తిగా చదువుతారు. ఉదాహరణకు మీకు సుజాత బ్లాగంటే ఇష్టం. ఆమె టపాలు క్రమం తప్పకుండా చదువుతారు. మీకు తెలియకుండానే తన రచనలు గురించి మాత్రమే కాక, ఆమె వయస్సు, రూపం గురించి కొన్ని ఊహాగానాలు చేస్తారు. ఈ curiosity factor వలన సోది కబుర్లు, దిన చర్యలు కూడా పాఠకులు ఆసక్తిగా చదవటం జరుగుంది.
జపనీస్ కళలు

స్నిగ్ధ అధీకృతంగా మార్చుకుందా అకిరా అని? స్నిగ్ధ, నిస్సహందేహం గా చక్కటి పేరు. పిల్లలకు Anime (ఉచ్ఛారణ: ఆనిమే) పై ఆసక్తి సహజం. ఎన్నో చిత్రాల సమాహారంతో తీసే animation కళ ఇది. అనిమె లో తీసిన ఒక వీడియో ఇక్కడ చూడండి. "ఇప్పుడే ఒక సయిను తీసుకువచ్చింది 'No Tresspassing' తన గది తలుపుకి పెడుతుందిట." - ఇది ఇబ్బందికరమే. చాట్ లో అబ్బాయిలతో మోసగించబడే ప్రమాదముంది. స్నిగ్ధ వెబ్‌సైట్ చిరునామా ఇవ్వగలరు. జపనీస్ చిత్రకళ ఎంతో కళాత్మకంగా ఉంటుంది. Mount Fuji చిత్రాలు, వెదురు, పూలు, జపనీస్ కళలు, సంస్కృతి విషిష్టమైనవి. ఇంత చక్కటి సంస్కృతి మీ పిల్లలకు అబ్బటం ప్రమోదం.

http://sarath-sahityam.blogspot.com/2008/08/blog-post_24.html

ఆనందంగా జీవించటం

సంజీవదేవ్ అంటారు " Optimism is life, Pessimism is death." ఆనందంగా జీవించటం ఒక కళ. చుట్టూ అననుకూల పరిస్థితులున్నా, జీవితాన్ని ఆనందించటాన్ని నేర్చుకోవాలి. రాత్రి నిదురించే ముందు, నీళ్లలో Eau de Cologne కొన్ని చుక్కలు వేసుకొని స్నానం చెయ్యండి. మీ పడకగదిని కళాత్మకంగా తీర్చి దిద్దండి. గులాబి వాసనలొచ్చే, అగర్బత్తులు వెలిగించండి. టేప్ రికార్డర్లో మీ కిష్టమైన సంగీతం వింటూ నిద్రకుపక్రమించండి. చక్కటి నిద్ర మీ స్వంతం. Sound sleep మీ స్వంతం కావాలంటే, ప్రతి రోజూ ఉదయం కనీసం 30 నిమిషాల నడక చాలా అవసరం. ఇది మీ శరీరాన్ని చక్కటి ఆకృతి లో ఉంచటానికి దోహదపడుతుంది. ప్రతి గంటకూ ఒక గ్లాసు నీరు తాగండి. రోజూ ఆకు కూరలు, మొలకెత్తిన గింజలు, పళ్లు మీ అహారంలో ఉండేలా చూసుకోండి. మితాహారం తో ఆరోగ్యం మీ సొంతం. ఇంకో ముఖ్యమైన విషయం Early to bed, Early to rise, మీరు ఆత్మవిశ్వాసం తో ముందుకు సాగటానికి అమృతంలా పని చేస్తుంది. ఆచరించండి. మీ జీవితం మూడు పువ్వులు, ఆరు టపాలుగా వర్ధిల్లుతుంది. ఆయుష్మాన్ భవా!

http://virajaaji.blogspot.com/2008/08/blog-post_25.html

ఎంగేజ్మెంట్ కి పెళ్లి కి తేడా ఉంటుందా?

తల్లి తండ్రులు తమ పిల్ల పెళ్లి వైభవంగా చెయ్యాలని ఆశిస్తారు. తమ పిల్లను, సినిమా వెంకటేష్ (బీద, పల్లెటూరి, చదువు తక్కువ వాడు) వైభవంగా పెళ్లి చేసుకోలేడు. ఉదాహరణకు చూడండి -నువ్వు నాకు నచ్చావ్ (2001) (వెంకటేష్, ఆరతి అగర్వాల్). పెళ్లి కి ముందు, తమకు నచ్చిన అబ్బాయితో ఎంగేజ్మెంట్ ఘనంగా చేస్తే, తమ ముచ్చటా తీరుతుంది. తరువాత వెంకటేష్ వచ్చి ఎలా పెళ్లిచేసుకొన్నా, తమ కోరిక అప్పటికే నెరవేరుతుంది కనుక ఎంగేజ్మెంట్ ఘనం గా చేస్తున్నారని, గీతచార్య ఉవాచ.

నాకు తెలిసి, నిశ్చయ తాంబూలాలకు మొగ పెళ్లి వారు ఏ అరడజను మందో వచ్చి, అమ్మాయి మెడలో ఏ నగో వేసి అమ్మాయి తమదనిపించుకొంటారు. వివాహ శుభలజ్ఞ పత్రికలు, పరస్పరం మార్చుకుంటారు. ప్రాంతాన్ని బట్టి కొద్ది మార్పులుండవచ్చు. కాని ఇప్పుడు జరుగుతున్న దేమిటి? ఈ మధ్య నేను కొన్ని ఎంగేజ్మెంట్ వేడుకలకు వెళ్లటం జరిగింది. జీలకర్ర-బెల్లం, మాంగల్యధారణ, సప్తపది తప్పించి పెళ్లిలో జరిగే అన్ని పనులూ, ఎంగేజ్మెంట్ వేడుకలో చేసి, దాదాపు వివాహమా అన్నంత హంగామాగా, వందల మంది అతిధుల సమక్షంలో, కాబోయే వధూ వరులు, ఉంగరాలు, దండలు మార్చుకుంటున్నారు. Marriage reception లా తంతు నడిపిస్తున్నారు. ఇహ ఛాయా చిత్రాలు, drinks, విందులూ సరే సరి. ఇవన్నీ అతే అనిపిస్తుంది, చూసే వారికి. ఏమి చెయ్యగలం? మారే కాలం తో పాటు మనమూ మారాలి అనుకుని సమాధానపడతాము.

http://dummyspeaks.blogspot.com/2008/08/blog-post_24.html

జ్ఞాపకాలు, ఆలోచనలు,విశేషాలు -3

మెఘాలలో  Photo: cbrao

ఊహల ఊయలలో ఊగే పూర్ణిమ సూచనపై, వ్యాఖ్యలకు ప్రేరణ అయిన మూల టపాల లింక్స్ కూడా, వ్యాఖ్య కింద ఇస్తున్నాను. మూల టపా చదవాలనుకునే ఆసక్తికలవారికి, ఈ లింక్ దోహదపడకలదు.

Urban Sophistication అంటే ఏమిటి?

మన కట్టు , బొట్టు, మాట్లాడే తీరు (భాష, మాండలీకం), చదివే పుస్తకాలు, చూసే సినిమాలు, ఆహారం తినే విధానం ఇవన్నీ అవతలి వారిలో మనపై ఒక అభిప్రాయాన్ని కలిగించే అంశాలు. Urban Sophistication లో నవ్వే తీరు, కూర్చునే విధానం కూడా ఒక ముఖ్యమైన భాగం. గ్రామాల నుంచి పట్టణం కొత్తగా వచ్చిన యువతీ, యువకులకు పట్టణం లో పుట్టి పెరిగిన వారికీ పైన పేర్కొన్న వాటిలో తేడాలను సులభంగా గుర్తించవచ్చు. ఒక పట్టణం అమ్మాయి ఆహారం తినే తీరు (style) చూసి ప్రేమలో పడ్డ అబ్బాయి కథ విన్నాను. పల్లెటూరి వారు ఆహరం తీసుకునేటప్పుడు చేసే శబ్దాలను పట్టణంలోని నాగరికులు హర్షించరు. ఒక పల్లె యువతి కొప్పుకూ, పట్టణ యువతి hair-style కూ ఉన్న తేడా గమనిస్తే Urban Sophistication దృశ్య రూపంలో కూడా చూడవచ్చు. "అమ్మాయే సన్నగా, అరనవ్వే నవ్వగా" - ఇది పట్టణ యువతుల సింగారపు పలకరింపు.

Urban Sophistication అంటే style, ఆధునిక, అభ్యుదయ నాగరికత ల కలగలుపు.

http://parnashaala.blogspot.com/2008/08/urban-sophistication.html

కవి అంటే

నాకు ఒక పేరు గాంచిన, పెయింటర్ స్నేహితుడున్నారు. ఆయనకు స్నేహితులపై ఎవరిపైనన్నా (వాళ్ల పనులు నచ్చకపోతే) కోపం వస్తే అంటారు 'నువ్వు మనిషివా, కవివా?" కవి అంటే ఇంకో అర్థం కూడా ఉంది. కనిపించకుండా విసిగించేవాడు అని. మనకు ఎన్నో ఈతిబాధలుంటాయి. వాటిలో కవిబాధ కూడా ఒకటి.
కాని దేవులపల్లి కవితలు మనసును గిలిగింత పెడ్తాయి. ఈనాటి ఈ బంధం ఏనాటిదో చిత్రంలోని, ఎస్ రాజేశ్వరరావు స్వరపరచిన "ఎవరు చెప్పారమ్మా ఈ కొమ్మకు పూలిమ్మని రెమ్మ రెమ్మకూ" పాట వినండి. స్నేహ హృదయులు అడగకుండానే సహాయం చేస్తారనే అర్థం కూడా ఈ పాటలో ఉంది.

http://manishi-manasulomaata.blogspot.com/2008/08/blog-post_21.html

పుష్ప విలాసం

చదివినదానిని, విన్నదానిని గ్రహించటమే కాక, వాటికి దృశ్య రూపం ఇవ్వటానికి ప్రయత్నిస్తుంది మనస్సు. విరజాజి అనగానే కమ్మటి సువాసనల తలపులు మన మనసులో తడతాయి. ఇంకా వేసవి కాలం, వెన్నెల రాత్రులు గుర్తుకు రాక మానవు.

http://virajaaji.blogspot.com/2008/08/blog-post.html

మానవ సేవే మాధవ సేవ

"మానవ సేవే మాధవ సేవ - అదే భక్తి! అదే దేవుణ్ణి చేరే సులభ మార్గం." -దేవుడి కి దూరమవుతున్న బీదా బిక్కీ, మధ్య తరగతి వారిని ఆకట్టుకోవటినికి మానవ సేవే మాధవ సేవ అని చెప్పి, స్వామి వివేకానంద, దూరంగా ఉన్న మఠాన్ని ప్రజలకు దగ్గర చేశాడు.

"తిరుపతి వెంకన్నకు ఆరు కోట్ల రూపాయల వజ్ర కిరీటం బహుకరణ - ఒక బెంగలూరు భక్తుడి చేత. " - ఇలాంటి వార్తలు చదువుతుంటే ఏమనిపిస్తుంది? ఆ డబ్బుని మానవసేవ కు ఉపయోగిస్తే! అన్న ఆలోచన కలుగుతుంది మానవతావాదులకు. సమాజంలో అసమానతలు ఎక్కువున్న సమయంలో, ఆ డబ్బు ఇంకా ఉపయుక్తంగా ఖర్చు పెట్టే మార్గం లేదా? - అని మనసు ఘోషిస్తుంది.

పెద్ద వారు తమ శక్తి, ధన బలాన్ని మానవ సేవకు ఎందుకు వినియోగించరు?

http://sangharshana.blogspot.com/2008/08/blog-post_21.html

జోకులు -పదాలు

జోకులు పేలటానికి స్థానబలిమే కాదు, సమయం, సందర్భం కూడా కలిసి రావాలి. అంతే కాదు, జోకు చెప్పటం లో, ఎక్కడ, ఎంత విరామం ఇవ్వాలో కూడా అంతే ముఖ్యం. ఇవన్నీ వున్న పాళ్ల బట్టి, జోకు పేలటమో లేక తుస్సు మనటమో కద్దు. "నీవుండేదా కొండపై నా స్వామీ! నేనుండే దీ నేలపై" -ఇదే పాటను ప్రాసకోసం, నేను ఇలా పాడుకొంటాను. నీవుండేదా కొండపై నా స్వామీ! నేనుండే దీ బండపై. వాచోమి(వాహన-చోదక-మిత్రుడు) (© రానారె), చేపలు (చెయ్యవలసిన పనులు) (© వీవెన్) పద ప్రయోగాలు బాగు బాగు. ఏన్ని పదములు నేర్చినావొ.. ఎన్ని కలలను దాచినావొ..
కొనగోట మీటిన చాలు..

http://mynoice.blogspot.com/2008/08/blog-post_21.html

బ్లాగు టపాలపై వ్యాఖ్యలు

ఈ వ్యాఖ్యలు బాగా ఉంటే దానికి కారణం, వాటి ప్రేరణ అయిన మూల టపాలు. మంచి గంధం పూసుకుంటే చక్కటి సువాసనలు, మంచి టపా చదివితే మంచి వ్యాఖ్యలూ వస్తాయి. టపా చదివే సమయం, అప్పటి మూడ్ బట్టి కూడా వ్యాఖ్యల్లో తేడాలుంటాయి.

http://deeptidhaara.blogspot.com/2008/08/2_24.html

కత్తి లాంటి బ్లాగు

ఏ భూమికో (అమ్మాయే సన్నగా, అర నవ్వే నవ్వగా) కనిపిస్తే, మీ సౌందర్య రహస్య మేమిటి అని అడగలనిపిస్తుందా మీకు? మన నడుము కొలత పెరిగాక, భూమిక నడుము ఇంత సన్నగా ఎలా ఉంది చెప్మా అంటూ ఆశ్చర్య పడటం కద్దు. అడపా, తడపా టపాలు రాసే వారు, మహేశ్ ను చూసి ఇలాగే ఆశ్చర్య పడతారు.పర్ణశాల లో కూర్చుని మహేశుడు బ్లాగు టపాలు, అలవక, రోజూ ఇలా, ఎలా కత్తుల్లా విసురుతున్నాడో అని అచ్చెరువంది, మొన్న హైదరాబాదు తెలుగు బ్లాగరుల సమావేశానికొచ్చినప్పుడు, అడిగా " ఇన్ని టపాలు, ఉల్లాసంగా, ఉత్సాహంగా రాయటానికి మీరేమి తాగుతారు?" అని. చిర్నగవే సమాధానంగా దాటవేశాడు. ఫైల్ పై సంతకం పెట్టే ముందు, కలెక్టర్ గారు చూసే చిత్రం లో ఎవరున్నారో తెలుసుకోవటానికి చిన్న పరిశోధన చేసినట్లుగా, భొపాల్ వెళ్లి మహేష్ బ్లాగు రహస్యం తెలుసుకోవాలి. పర్ణశాలలో ఒక టపా ప్రచురించబడ్డాక, వ్యాఖ్య రాసే లోపలే, కొత్త టపా వస్తుంటే వ్యాఖ్య ఎలా రాయాలి?

http://parnashaala.blogspot.com/2008/08/blog-post_2109.html

గమనిక: కేవలం బ్లాగు టపాల కామెంట్లతో వచ్చిన ఈ వ్యాసాలకు, తెలుగు బ్లాగు చరిత్ర కారుల ఉపయోగార్ధం, Telugu Blog History అనే Tag ఉంచటమైనది.

జ్ఞాపకాలు, ఆలోచనలు,విశేషాలు -2

ఆటాడుదాం రా!

నేపధ్యం:

ఈ టపాకి ప్రేరణ, నిడదవోలు మాలతి గారి కథల వెనక కథలు. మాలతిగారు తమ కథలకు నేపధ్యం, ఈ వ్యాసంలో చక్కగా వివరించారు. ఈ నేపధ్యం అంటే నా మనసు ఎదో నేపధ్య సంగీతం వినసాగింది. నేపధ్య సంగీతమంటే నౌషాద్ గాక మరెవరు గుర్తుకొస్తారు? తన హృద్యమైన నేపధ్య సంగీతంతో, పాత్రల ఔచిత్యాన్ని పెంచిన నౌషాద్ జీవితం లో ఎన్నో విశేషాలు. లక్నో లో పుట్టి పెరిగిన నౌషాద్, మూకీ చిత్రాలకు సంగీతకారులు వాయించే Live orchestra కు ఆకర్షితుడయ్యాడు.పలువురు ఉస్తాద్ల వద్ద, హిందుస్తానీ సంగీతం నేర్చుకుని, తన అదృష్టాన్ని పరీక్షుంచు కోవటానికి, హిందీ చిత్రసీమ రాజధాని ఐన ముంబాయి పట్టణానికి వెళ్లి, అక్కడ అవకాశం దొరకపుచ్చుకునే ప్రక్రియ లో, బ్రాడ్వే థీయేటర్ ఎదురుగా గల ఫుట్‌పాత్ పై పెక్కు రాత్రులు నిద్రిస్తూ, తన సంగీతం ఎప్పటికైనా  బ్రాడ్వే లో వినిపించాలని కలలు కన్నాడు.

కలలు నిజమైన వేళ

పదహారు ఏళ్ల తర్వాత , 1952 లో బైజు బావ్రా చిత్ర మునుజూపు (Preview) ప్రదర్శన ఆ థీయేటర్లో జరిగినప్పుడు, నౌషాద్ కు ఆనందభాష్పాలు ఆగాయి కావు. మీనాకుమారి నటించిన పకీజా చూసే వుంటారు. ఈ చిత్రం ముగిసే సరికి , సంగీత దర్శకుడు గులాం మొహమ్మద్ చనిపోవటం తో, ఆ చిత్రానికి నేపధ్య సంగీతం, టైటిల్ సాంగ్ (చిత్రం లోని నటీనటుల పేర్లు వచ్చే సమయంలో లత పాట) నౌషాద్ స్వర పరిచారు. ఈ చిత్ర విజయానికి నౌషాద్ నేపధ్య సంగీతం దోహదపడింది. చిత్రాలలో లో పాటల కిచ్చిన ప్రాముఖ్యం, నేపధ్య సంగీతానికి సంగీతకారులివ్వరు. ఆంగ్ల చిత్రాల నేపధ్య సంగీతం రికార్డులు గా విడుదలైనా, భారతీయ చిత్రాల నేపధ్య సంగీతం రికార్డులుగా రాలేదు. ఇలాంటి సమయంలో, నౌషాద్ వివిధ చిత్రాలకిచ్చిన నేపధ్య సంగీతం ఒక LP (D/MOCE 4016 Naushad Ali Background Music For Films Odeon Film music) గా HMV వారు విడుదల చెయ్యటం జరిగింది. ఇది నౌషాద్ కు తన సంగీతం పై ఉన్న ఆత్మవిశ్వాసానికి ఋజువు.

నౌషాద్ నేపధ్యం లోంచి ఈ టపాలో కొస్తే, ఈ టపా కు వివిధ బ్లాగు టపాల నేపధ్యం ఉంది. మన తెలుగు బ్లాగరుల చక్కటి టపాలకు స్పందించి రాసిన వ్యాఖ్యల సమాహారమే ఈ మ్యూజింగ్స్ .

Popular Drinks in USA

చివాస్ రీగల్, అమెరికాలో ఎక్కువమంది తెలుగు వాళ్ల ఇళ్లలో, అతిధులకు ఇచ్చే డ్రింక్. ఇది కాక ఇంకేదన్నా అక్కడ తెలుగు వారి మనసు దోచుకుంటే, అలాంటి వాటిలో ఒకటి జాక్ డేనియల్, రెండోది టెకీలా. ఇవి మన భారత దేశంలో ఐదు నక్షత్రాల హోటళ్లలో లభ్యం.

గుర్రపు బండి, పడవ ప్రయాణం

గుర్రబ్బండీ ముందు కూచుంటే వెనక్కు, వెనక కూచుటే ముందుకు వెళ్లమని, మనము కూర్చున్న చొటే బరువెక్కువయిందనీ, గుర్రబ్బండీ వాడు తమాషాగా సతాయిస్తాడు. కెమరా లేని వాళ్లు పడవ ముందు డెక్ పై కూచుని, ఛాయగ్రాహకులకు అడ్డంగా కూర్చుంటారు. మనం కూర్చున్న బెంచీ పై పెట్టుకున్న పుస్తకం, ఇంజన్ ప్రకంపనలకు కదిలి, కాళ్ల కింద నీటిలో తేలియాడటం మరువలేని భయంకర అనుభవం.

మనం విశ్వమానవులం

మనం మానవులం.. ఈ ప్రపంచ పౌరులం. భాషలు, సరిహద్దులు, మతాలు విడదీయలేని విశ్వమానవులవుదాము. ప్రేమను పంచుదాము. ఆకలిని, భయాన్ని తరిమివేద్దాము. దేశ భక్తి కంటే ప్రపంచభక్తి ఇంకా ఉన్నతమైనదని చాటి చెప్పుదాము. యుద్ధాలు చరిత్రలో మాత్రమే కనిపించే, శాంతిప్రపంచాన్ని నిర్మిద్దాం. ప్రపంచ పౌరులంతా ఒకటే. శాంతి, సౌభాగ్యం వెల్లి విరియటానికి నిరంతర కృషి చేద్దాము.

ప్రయాణమనే జీవిత పుస్తకం

జీవితం ఒక పుస్తకం లాంటిది. ప్రయాణం లోని మజా అనుభవించని వారు పుస్తకం లో చదివేది ఒక పేజీ మాత్రమే. గమ్యస్థానాన్ని కాక గమ్యస్థానానికి వెళ్లే ప్రయాణాన్ని అనందించండి. జీవితం ఎంతో మధురంగా ఉంటుంది.

(To be continued…)

జ్ఞాపకాలు, ఆలోచనలు,విశేషాలు -1

Poet Tikkana    Photo: cbrao Location: Childrens park, Nellore.

ప్రత్యేక తెలంగాణా ఉద్యమం: నా అనుభవం

1969 -1970 కాలంలో ప్రత్యేక తెలంగాణా ఉద్యమం హింసాత్మకంగా ఉన్న రోజులలో, నేను ఆబిడ్స్ కు ఏదో కొనటానికి వెళ్లాను. అకస్మాత్తుగా పొలీసులు వచ్చి లాఠీచార్జ్ చెయ్యటం మొదలెట్టారు. ఏమి చెయ్యాలో దిక్కు తోచని పరిస్థితి. అంతా తలో దిక్కు పరిగెత్తటం మొదలెట్టారు. నేనూ పరిగెత్తి, పొలీసుల దృష్టిలోంచి తప్పించుకోవటానికి ఒక Q లో నిలుచున్నా. నేను నిలబడిన క్యూ ఒక సినిమా థియేటర్ వద్ద టిక్కట్లకై నిలుచున్నది. హైదరాబాదు కొత్త నాకు అప్పట్లో. ఎక్కడున్నానో కూడా తెలియదు. టిక్కట్ కొనుక్కుని థియేటర్ లోకి వెళ్లా. నా పక్కనున్న వారిద్వారా తెలుసుకున్నా. అది రామకృష్ణా 70M.M. థియేటర్ అని. అప్పుడు ప్రదర్శింపబడిన చిత్రం It's a Mad Mad Mad Mad World. పేరుకు తగ్గ చిత్రం. థియేటర్ బయట నేను పడిన టెన్షన్ పోయి, మనసారా నవ్వాను. అలా యాదృచ్ఛికంగా ఒక మంచి కామెడీ సినిమా చూసే అవకాశం కలిగింది. తెలంగాణ ఉద్యమ ప్రస్తావనొచ్చినప్పుడు, ఈ చిత్రం (It is a mad mad world) సదా మదిలో మెదల్తూంటుంది. 27 జూన్ 1969 న, ఈ గొడవలకు తలవొగ్గి కాసు బ్రహ్మానంద రెడ్డి రాజీనామా చేశారు. అది ఆమోదించబడలేదు. అదంతా ప్రత్యేక తెలంగాణా ఉద్యమ కథలో భాగం.

Blog Addiction

అందమైన ఆడవాళ్లూ, మీరు ఎక్కువ సేపు కంప్యుటర్ ముందు గడిపితే, స్క్రీన్ నుంచి వచ్చే రేడియేషన్ వలన, మీ facial skin moisture contents తగ్గిపోయి మొహం ముడతలు వచ్చే ప్రమాదముంది. మీ కంప్యూటర్ స్క్రీన్ కు Screen protector అమర్చుకోగలరు. దీని ఖరీదు సుమారుగా 180 రూపాయల నుంచి 250 దాకా వుంటుంది. ఇది మిమ్ములను Ultraviolet rays నుంచి కాపాడగలదు. ఇది కొనటం వీలు కాని పక్షం లో, Sun Protective Lotion SPF (Sun Protection Factor) 25 నుంచి 50 దాకా ఉన్నవి మొహానికి రాసుకొని, కంప్యూటర్ ముందు కూర్చోండి. కంప్యూటర్ ముందు తక్కువ గంటలు గడిపే వారు SPF 15, ఎక్కువ గంటలు గడిపే వారు SPF నంబర్ పెంచుకుంటూ పోతూ వాడండి.

బ్లాగింగ్ ఒక వ్యసనం కారాదు. రోజూ ఇన్ని గంటలనుకుని, అప్పుడు మాత్రమే బ్లాగు పని చూసి, మిగతా సమయంలో దైనందిక వ్యవహారాలు, నిజ జీవిత వ్యక్తి గత మిత్రులకు ఫోన్ చెయ్యటమూ, వ్యక్తిగతంగా కలవటమూ చెయ్యాలి. Morning walk కూడా మరువరానిది.

చిరంజీవి దోశ

చాక్లేట్ అంటే ఎవరికి ఇష్టం వుండదు? నా కైతే చాక్లేట్ కొరికితే, విస్కీ వచ్చే చాక్లేట్లంటే ఇష్టం. దోశలలో ఎన్నో రకాలు. అయితే హైదరాబాదు చట్నీస్ రెస్టారెంట్ లో స్పెషల్ ఐన చిరంజీవి దోశ ఎవరైనా తిన్నారా?

వెండి కొండపై శివుడు

కాళిదాసు రచనలలో లో సౌందర్యతత్వం ఉంటే, నేను చెప్పబొయే దాంట్లో హాస్యతత్వం ఉంది. మా స్కూల్ రోజులలో అలంకారాలు గురించి చదివే సమయంలో, మా తెలుగు పంతులు గారు ఒక విద్యార్థిని ఉపమాలంకారానికి ఉదాహరణ చెప్పమంటే, వెండి కొండపై శివుడు, సుమతి (మా సహ విధ్యార్ధిని) తలలో పేనులా ఉన్నాడు అనే సరికి క్లాసంతా గొల్లుమంది.

కులప్రసక్తి లేని విద్యాసంస్థ

అదృష్టవశాత్తూ,నటుడు మోహన్ బాబు నడుపుతున్న, తిరుపతి లోని విద్యానికేతన్ విద్యాసంస్థల లో, admission forms లో, ఎక్కడా కులప్రసక్తి రాకుండా, తగు జాగ్రత్తలు తీసుకున్నారు. ఇది అభినందించవలసిన విషయం.

చపల చిత్త మనసు

లేనిది కావాలని మనసు చాస్తుంది అర్రులు

మోజు తగ్గుతుంది, కోరుకున్నది అందుబాటులోకొస్తే

అదంతే మరి, చపల చిత్త మనసు

చాలా కాలం క్రితం ఈ కింది వాక్యాలు చదివాను ఎక్కడో!

As a matter of fact, man is a fool

He wants it hot, when it is cold

He wants it cold, when it is hot

Blogging & Drinking

తెలుగు బ్లాగరులలో తాగే వారున్నారు. కాని తాగుతామని ఒప్పుకునేవారు నాకు తెలిసి ముగ్గురే. ఆ ముగ్గురూ 1) మహేష్ కుమార్ 2) cbrao 3) ఇన్నయ్య. నేను తాగుతూ, బ్లాగుతానంటే నిరసనలు వెల్లువెత్తాయి గతంలో. ఆ విమర్శలు మంచి రచనలెలా చేయాలి? అనే టపా కొచ్చిన కామెంట్లలో చూడవచ్చు.
బాధ్యతాయుతంగా, రసాస్వాదన చేస్తూ తాగటంలో ఆనందముందన్న సంగతి నేను, మా మిత్రులు ధృఢంగా విశ్వసిస్తాము. బ్లాగటం కోసం ఏదైనా చెయ్యవచ్చు; కాని బ్లాగటం , తాగటం మానెయ్యాల్సిన అవసరం లేదు. ఈ రెంటినీ సమన్వయపరచటానికి, కొంత పరిణితి కావాలి. ఈ పరిణితికి వయస్సుకు సంబంధం లేదు. ఈ మాటలు తాగటాన్ని ప్రోత్సహించటానికి కాదు. Drink లేక పోయినా జీవితాన్ని ఆనందించవచ్చు, చక్కటి రచనలు చెయ్యవచ్చు. ఇది వాస్తవం.

అతిథి దేవో భవా

అతిథి, చుట్టాల గురించి ఇంగ్లీష్ భాషలో ఒక సామెత ఉంది (Guests are like fish. After three days they start to smell)- మూడు రోజుల తరువాత, చుట్టం కుళ్లిన చేపలా కంపు కొడతాడు అని. అతిథి దేవో భవా అని భావించే మనమే, దేవుడే దిగివచ్చినా భరించలేము. అందుకే మూడో రోజో, 10 వ రోజో నిమజ్జనం చేసేస్తాం.

నాగుల చవితి కి పుట్టలో పాలు

నాగుల చవితి కి పుట్టలో పాలు పోసినప్పుడు, చీమలు వచ్చి పాము భరతం పడ్తాయి. భక్తితో,మనము పోసే పాలు, పాముకు కీడు చేస్తాయి.

Happy Birthday

పుట్టిన రోజు శుభాకాంషలు

అన్ని చోట్లకూ నీతో వస్తా

సంభ్రమం కలిగించే విషయం

పోయిన నెలలో చండీఘర్ లో చనిపోయిన, ఒక అమ్మాయి నిజ జీవిత కథ ఇది. ఆమె పేరు ప్రియ. సెల్‌ఫోన్ లో మాట్లాడుతూ, రహదారి దాటే సమయంలో, ఒక లారీ వచ్చి ఢీ కొనటంతో, ఆ ప్రమాదంలో ఆమె చనిపోవటం జరిగింది. తను ఒక call center లో పని చేస్తుండేది. ఆమెకు శంకర్ అనే boy friend ఉన్నాడు. ఇద్దరూ ఘాటైన ప్రేమమైకంలో ఉండేవారు. ఎప్పుడూ ఫోన్ లో సంభాషించుకుంటూ, స్నేహితులకు కనిపించే వారు. శంకర్ ది హచ్ కనెక్షన్ అవటం తో, ఐర్‌టెల్ నుంచి ప్రియ కూడా హచ్ కు మారింది,ఫోన్ ఖర్చు తగ్గటానికై.

She used to spend half of the day talking with shankar. Priya's family knew about their relationship. Shankar was very close to Priya's family as well. (Just imagine their love) . Before she passed away she always told her friends 'If I pass away, please burn me with my hand phone'; she also said the same thing to her parents.

After her death, people couldn't carry her body, A lot of them tried to do so but still can't. Everybody had tried to carry the body, the results were the same. Eventually, they called a person known to one of their neighbors, who can speak with the soul of dead person and who was a friend of her father. He took a stick and started speaking to himself slowly. After a few minutes, he said 'this girl misses something here.' Then her friends told that person about her intentions to burn her with her phone. He then opened the grave box and placed her phone and sim card inside the casket. After that they tried to carry the body. It was then moved easily and they then carried her into the van. All of us were shocked.

Priya's parents did not inform Shankar, who was far away, doing on site assignment, that Priya had passed away..
After 2 weeks Shankar called Priya's mom.....
Shankar :......'Aunty, I'm coming home today. Cook something nice for me.. Don't tell Priya that I'm coming home today, I wanna surprise her.'
Her mother replied..... 'You come home first, I wanna tell you something very important.'
After he came, they told him the truth about Priya.
Shankar thinks that they were playing a fool. He was laughing and said 'don't try to fool me - tell Priya to come out,I have a gift for her. Please stop this nonsense'.
Then they show him the original death certificate. They gave him proof to make him believe.. (Shankar started to sweat) He said... 'Its not true. We spoke yesterday. She still calls me. Shankar was shaking. Suddenly, Shankar's phone rang. 'See this is from Priya, see this....' he showed the phone to priya's family. all of them told him to answer. he talked using the loudspeaker mode... All of them heard his conversation. Loud and clear, no cross lines, no humming.. It is the actual voice of Priya & there is no way others could use her sim card since it is nailed inside the grave box. They were so shocked and asked for the same person's (who can speak with the soul of dead persons) help again. He brought his master to solve this matter.

He & his master worked for 5 hours. Then they discovered one thing which really shocked them.....
Vodafone (Earlier Hutch) has the best coverage.
'Where ever you go, our network follows!!!'

Don't shout at me I am also looking for the person who has sent me this mail....so what you can do...you should also forward this mail to all your nears and dears...and enjoy...like i enjoyed. HAHAHAHAHA..

అన్ని చోట్లకూ నీతో రాలేను

 

ఈ మధ్య మన రోడ్ల పై సెల్ లో మాట్లాడుతూ, Road crossing చేసే వాళ్లూ, తలకాయ వంచి సెల్ వింటూ, మోటార్ సైకిల్ నడిపే వారు ఎక్కువయ్యారు. కారులో వెళ్లే వారు ఇందుకు మినహాయింపు కాదు కాని గుడ్డిలో మెల్ల అన్నట్లుగా బ్లూ టూతో, లేక వైర్ వున్న హెడ్ ఫోన్సో వాడుతున్నారు. ఇది సాంకేతికంగా మెరుగైన పరిష్కారమైనా, ఫోన్ లో జరిపే సంభాషణల వలన మానసిక ఉద్వేగానికి లోనయి, ప్రమాదానికి లోనయ్యే అవకాశముందని, శాస్త్రవేత్తలు హెచ్చరిస్తున్నారు. క్షేమంగా గమ్యస్థానానికెళతారో, లేక సెల్ తో సరసాలాడతారో, మీ చేతుల్లోనే ఉంది. 

సెల్ లో మాట్లాడుతూ, వాహనాన్ని నడపడటము, మృత్యువు తో ఆటలాడినట్టే. ఈ ఆట మీకు ఇష్టమయితే, ఆడండి; ఎవరు కాదంటారు? మీ జీవితం , మీ ఇష్టమైనా, ఈ ఆటలో, మీ తోటి ప్రయాణీకుల, ప్రాణాలు పోయే ప్రమాదముంది. వారి ప్రాణాలతో ఆటలాడే హక్కు మీకుందా? అది నేరం కాదా?          

ఇలాకూడా జరగొచ్చు

దీప్తిధార మొదటనుంచీ రాజకీయాలకు దూరంగా ఉంటూ వస్తున్నది. ఇన్నయ్య గారు, చదువరి, దిల్, తాబాసు వంటి మిత్రులు సమకాలీన రాజకీయ విశేషాలను విశ్లేషిస్తూ చాలా ఉపయుక్తమైన వ్యాసాలు రాస్తూ ఉన్నారు. ఎంత వద్దనుకున్నా, రాజకీయాలు వ్యక్తుల జీవితాన్ని ప్రభావితం చేస్తాయి. నేను రోజూ చదివే ఆంధ్రజ్యోతి పత్రిక పై దాడి జరిగినా, దానిపై ఇంకా దాడులు చేస్తామన్నా, కాంగ్రెస్ ప్రభుత్వం చూసీ చూడనట్లుగా ఎందుకు వదిలేసిందో తెలుసుకోవాలన్నా, ఈ రాజకీయాలను కొద్దిగానైనా అర్థం చేసుకోవాలి. ఇంగ్లీషు లో ఒక సామెత ఉంది. Politics is the last refuge of a scoundrel. రాజకీయాలు ఒక మురికి కూపం అనుకుని ఓటు వేయటం దండగనుకుంటే, మనలను పాలించే వారిని విమర్శించే హక్కు మనకుంటుందా? సార్వత్రిక ఎన్నికలలో ఇంతవరకూ ఒకే సారి ఓటు హక్కు ఉపయోగించుకోలేకపోయాను. పోలింగ్ బూత్ మారటమో లేక మరేదో కారణం వలన. పట్టణాలలో, విద్యావంతులలో వోటు వేయక పోవటం ఎక్కువగా ఉంది. గ్రామాలలో చదువుకోని రైతులు తమ వోటు హక్కు వినియోగించుకుంటున్నారు. రైతుల వెతలకు కారణమైన ప్రభుత్వాలకు వ్యతిరేకంగా వోటు వేస్తున్నారు. వ్యవసాయాన్ని నిర్లక్ష్యం చేసిన ప్రభుత్వాలు, నాయకులు, తమ తప్పు తెలుసుకొంటున్నారు.

  

Chalasani Prasada Rao Painting by R.K.Laxman

చాలా కాలం క్రితం మిత్రులు కీ.శే.చలసాని ప్రసాద రావు (విపుల, చతుర మాస పత్రికల సంపాదకులు) ఇలా మిగేలేం అనే పుస్తకంలో కమ్యూనిస్ట్లను ఒక పట్టు పట్టేరు. వాళ్ల తప్పుల్ని రాచి రంపాన పెట్టారు. మొన్న ఒక సాయంకాలం ఇన్నయ్య గారు, మా ఇంటికొచ్చిన సందర్భంలో, మమ్ములను వదిలి వెళ్లిన, ప్రియ నేస్తం గురించి, ముచ్చటించుకున్న సందర్భం లో, ఈ పుస్తకం గురించి మాట్లాడుకోవటం జరిగింది. ఆ సందర్భంలో ఇన్నయ్య గారు చెప్పిన కొన్ని రాజకీయ తమాషా వార్తలు, మీ ముందుంచుతున్నాను.

రాజకీయాలలో ఇలాకూడా జరగొచ్చు .

1) డాక్టర్ మర్రిచెన్నా రెడ్డి ముఖ్యమంత్రిగా, ఒక వైపు తాను కూర్చుని, మరొక వైపు బంగారంతో తులాభారం చేయించుకున్న 1980 ప్రాంతాలలో, ఆయనను దించెయ్యాలని, అవినీతుపరుడని, కాంగ్రెస్ వారిలో పెద్ద విభాగం ధ్వజమెత్తి సఫలీకృతమయ్యింది. అలాంటి రోజులలో ప్రతిపక్ష నాయకుడిగా సుప్రసిద్ధ కమ్యూనిస్ట్ పుచ్చలపల్లి సుందరయ్య ఉన్నారు. ఒకరోజు ఉదయాన్నే ఆయన file పట్టుకుని, సచివాలయంలో, Drainage Board Chairman గా కార్యాలయంలో కూర్చొన్నారు. చాలామంది ఆశ్చర్య పోయి, నోరు నొక్కుకున్నారు. ఇది జరిగిందా లేదా అని సందేహించవద్దు. అలాంటి ముఖ్య మంత్రి కింద, కమ్యూనిజం కొనసాగదని, ఆయన ఆలస్యంగా గ్రహించి పదవి వదిలేశారు.

2) నూజివీడు జమీందారు మేక రంగయ్య అప్పారావును తిట్టిన తిట్టు తిట్టకుండా తిట్టి, కమ్యూనిస్టులు, ఆయన పై దాసరి నాగభూషణం ను శాసన సభ ఎన్నికలకు పొటీ పెట్టారు. అప్పుడు ఓడి పోయిన ఆ కమ్యూనిస్టులు మరోసారి ఎన్నికలలో అదే జమీందారుకు జై కొడ్తూ, సమర్ధిస్తూ బలపరిచారు. కీర్తి శేషులు చలసాని ప్రసాద రావు ఇలా మిగిలేం అనే పుస్తకం లో కమ్యూనిస్టు లను చీదరించుకుంటూ, చీల్చి చెండాడుతూ, పుస్తకం ప్రచురించారు.

 

Harkishen Singh Surjeet Pic Courtesy: APP Photo

3) సిక్కుల మతం ప్రకారం జుత్తు కత్తిరించుకోకూడదు, తలపాగా ధరించాలి. విధిగా అటువంటి నియమాలు పాటించాలి. కమ్యూనిస్ట్ పార్టీ అగ్ర నేతగా, కార్యదర్శిగా, చిరకాలం కొనసాగిన సూర్జిత్ సింగ్ తూచా తప్పకుండా సిక్కు మత నియమాన్ని తన వేషం లో పాటించారు. అదేమంటే అది సంస్కృతి అని చెప్పారు.

4) కేరళ లో కమ్యూనిస్టులు అధికారం లోకి వచ్చినప్పుడు, అచ్యుతమీనన్ ముఖ్య మంత్రిగా ఉన్నప్పుడు, హేతువాదులంతా ఊరేగింపుగా ఆయన దగ్గరకు వెళ్లారు. అయ్యప్ప పేరిట కొండ పైన జనానికి చూపించే మకర జ్యోతి, టన్నుల కొద్దీ వెలిగించిన కర్పూరం ఫలితమనీ, దానికి ప్రభుత్వం ఖర్చు చేస్తున్నదని, ప్రజలను  మోసపుచ్చుతున్నారని, అది ఆపాలని కోరారు. పర్యాటక ఆదాయం లభిస్తుంది కనుక, హేతువాదులు చెప్పేది వాస్తవమైనప్పటికీ, చూసీ చూడనట్లుగా పొమ్మనమని, ముఖ్య మంత్రి, సలహా ఇచ్చారు.

5) కమ్యూనిజం మత విమర్శతో ప్రారంభం కావాలని, మతం మత్తుమందు వంటిదని, ప్రజలకు ఇది విప్పి చెప్పాలని మార్క్స్ అన్నాడు. సిసలైన మార్కిస్ట్ల మని అధికారం లోకి వచ్చిన పశ్చిమ బెంగాల్ కమ్యూనిస్ట్ పార్టీ, దేవీ నవరాత్రుల ఉత్సవాలను ప్రోత్సహించి, సహకరించి, సెలవులిచ్చి పాల్గొంటున్నది. అదేమంటే సంస్కృతి అనే ముసుగులో దాటేస్తున్నారు.

రేడియోలో నా ఇంటర్వ్యూ - 2

నా మాటా-మంతీ ప్రసారం చేస్తున్న స్రవంతి

రేడియోలో నా ఇంటర్వ్యూ - 1 చదివిన పాఠకులు, నా ఇంటర్వ్యూ పై చూపించిన ఆసక్తికి ధన్యవాదాలు. మీరు ఎదురు చూస్తున్న ఈ శ్రవణ ముద్రితాన్ని, మీకు వినిపించే అవకాశం కలిగినందుకు సంతోషిస్తున్నాను. నాదైన ప్రపంచంలో, నా ఊహలలో, ఆలోచనాధారలో, కమ్మని సంగీతంలో విహరించండి. నేను ఎంపిక చేసుకున్న ఈ అణిముత్యాల్లంటి పాటలు మిమ్ములని అలరిస్తాయని తలుస్తాను.

Get this widget | Track details | eSnips Social DNA

Feelings రచయిత్రి తో భేటీ

River Kaveri at Dubare Forest, Karnataka Photo:cbrao
It is one among several photos, published in the book.

మే నెలలో Feelings అనే పుస్తకాన్ని పరిచయం చేస్తూ, అనుభూతులు అనే వ్యాసం రాసాను. ఈ పుస్తక రచయిత్రైన డాక్టర్ నవీన, కొద్ది రోజులు. భారత దేశం లో గడపటానికి వచ్చారు. ఈ సందర్భాన్ని పురస్కరించుకుని, అక్షర పుస్తకాల వారు, రచయిత్రి తో సమావేశం ఏర్పాటు చేశారు. పాఠకులతో భేటీ లో, డాక్టర్ నవీన తన కవితలు మీకు చదివి వినిపిస్తారు. కవితా పఠనం 6.30 గంటల కయినా, ఆసక్తి ఉన్నవారు, ఆరు గంటలకే రావాలని నా సూచన. పిచ్చా పాటీ -స్నాక్స్ సమయం ఇది. ఆహ్వానం కింద వుంది. అందుకోండి. ఒక వేళ మీరు ఈ పుస్తకం చదవక పోతే, అందులోని చక్కటి ఛాయా చిత్రాలు చూసిఉండక పోతే, అనుభూతులు టపాలో ఇచ్చిన లింక్ లోంచి download చేసుకోవచ్చు ఉచితంగా. ఈ పుస్తకం లోని చిత్రాలు తమ విధేయుడివే.



Please click on image to enlarge.