హైదరాబాద్ పుస్తక ప్రదర్శన -5వ రోజు

పుస్తకం -ఒక మంచి నేస్తం.
Click on Photos to enlarge

తనికెళ్ల భరణి నాటకాలు కొక్కొరొకో,గోగ్రహణం,చల్ చల్ గుర్రం!, జంబూ ద్వీపం,గార్ధభాండం 

ఆంధ్రప్రదేష్ లో  నాటక పరిషత్‌లు అనేవి లేకపోతే నాటకాలకు దీర్ఘ గ్రహణం పట్టి ఉండేది. ఈ పరిషత్ ల పుణ్యమా అని ఆపుడప్పుడైనా మంచి నాటకాలు ఆంధ్ర ప్రేక్షకులు చూసే అవకాశంకలుగుతుంది. ఐతే, పేరుగాంచిన కొన్ని నాటకాలను చదువుదామనే పాఠకులకు , అవి లభ్యం కాక నిరాశే మిగులుతుంది. ఇలాంటి సమయం లో హైదరాబాదు పుస్తక ప్రదర్శనలో ఈ రోజు ఒకటి కాదు, మొత్తంగా 5 నాటక పుస్తకాలు ఆవిష్కారణ అయ్యాయంటే పుస్తక ప్రియులకు, నాటాకాభిమానులకు పండగే మరి. గతంలో పలు మార్లు ప్రదర్శించబడి, విమర్శకుల ప్రశంసలందుకున్న తనికెళ్ల భరణి నాటకాలు కొక్కొరొకో,గోగ్రహణం,చల్ చల్ గుర్రం!, జంబూ ద్వీపం,గార్ధభాండం లను నటుడు,రచయిత రాళ్లపల్లి ఆవిష్కరించారు.తనికెళ్ల భరణి చక్కటి నటుడు, రచయిత, నాటక ప్రయోక్త ఇంకా ఉత్తమాభిరుచితో సినిమాలు (సిరా వగైరా) కూడా తీశారు.



ఈ పుష్తకావిష్కరణ సభలో తనికెళ్ల భరణి. బెంగళూరు పద్మ, సి.వి.ఎల్.నరసింహారావు, దర్శకుడు వంశీ, రాళ్లపల్లి, నటుడు అవసరాల శ్రీనివాస్ (అష్టాచెమ్మా ఫేం), నటుడు, రచయిత జెన్నీ   ప్రసంగాలు చేశారు. జెన్నీ మాట్లాడుతూ ఒకసారి నెహ్రూ పార్లమెంట్ భవనం లో లిఫ్ట్ లో వెళ్తున్నప్పూడు  అకస్మాత్తుగా లిఫ్ట్ ఆగిపోతే, అక్కడి సాంకేతిజ్ఞులు పరుగున వెళ్లి మరమ్మత్తు చేసినా 15 నిమిషాలు పడ్తుంది. ఎవరి ఉద్యోగం ఊడుతుందో, ఎవరు చివాట్లు తినవలసి వస్తుందో అని అందరు భయపడుతున్న సమయంలో నెహ్రూ ఒక చీటి అక్కడి వారి కిచ్చి వెళ్లాడు. ఆ చీటిలో ఏముందో తెలుసా? లిఫ్ట్ లో పుస్తకాలుంచండి అని, అత్యవసర సమయంలో చదువుకోటానికి తోడుంటాయని. నాటకాల గురించిన   పలు ఆసక్తికరమైన విషయాలు ఈ ప్రసంగాలలో వినవచ్చు.  మీరూ విని ఆనందించగలరు.

Tanikella Bharani 5 Plays Inauguration at Book Exhibition 2010

ఈ రోజు ఈ-తెలుగు స్టాల్ లో తెలుగు భాషా ప్రేమికులు ఉత్సాహంగా పనిచేశారు. ఇవ్వాల్టి వాలంటీర్లు. శ్రీయుతులు  1) తాడేపల్లి లలితా బాల సుబ్రమణ్యం 2)శరత్ చంద్ర 3) ప్రణవ్ 4) భార్గవ్ రాం 5) కౌటిల్య 6) శ్రీనివాస్ (పడమటి గోదావరి రాగం). సందర్శకులలో భాను, అరుణ పప్పు ఉన్నారు. అరుణ మన స్టాల్ నుండి కరపత్రాలు తీసుకుని కినిగె స్టాల్ లో కూర్చుని ఈ-తెలుగు ప్రచారం చేశారు. నవతరంగం సారధులలో ఒకరైన అరిపిరాల సత్య ప్రసాద్, దర్శకుడు వంశి,అవసరాల శ్రీనివాస్ (నటుడు) ఇంకా జనార్దన మహర్షి (కవి, సినీ రచయిత, చెంగల్వ పూదండ చిత్ర దర్శకుడు)  లను మన స్టాల్ కు తీసుకొచ్చారు. చిత్ర సమీక్షలు నిర్మొహమాటంగా వెలువరిస్తున్న  నవతరంగం కు అభినందనలు.   
Photos, Audio & Video: cbrao
Nikon D90, Nokia 5800 (audio)